පාසල් නිවාඩු කාලය සදහා ගුරු වැටුප් ගෙවීම් නතර කරන බවට අධ්‍යාපන අමාත්‍ය අකිල විරාජ් කාරියවසම් කළ ප්‍රකාශයක් බව පවසමින් එක්තරා වෙබ් අඩවිය...
පාසල් නිවාඩු කාලය සදහා ගුරු වැටුප් ගෙවීම් නතර කරන බවට අධ්‍යාපන අමාත්‍ය අකිල විරාජ් කාරියවසම් කළ ප්‍රකාශයක් බව පවසමින් එක්තරා වෙබ් අඩවියක් සහ සමාජ ජාලා වෙබ් අඩවි තුළ පළවන පුවතට තම පුවත්පත සම්බන්ධ නැති බව 'රිවිර' පුවත්පත නිවේදනය කරයි.
'උපුටාගැනීම - රිවිර' ලෙස සඳහන් ව්‍යාජ පුවතක් එක්තරා වෙබ් අඩවියක් විසින් පළකර ඇති අතර එය සමාජ ජාලය තුළ ආන්දෝලනයට තුඩුදෙන ආකාරයට මුදාහැරීමට ද ඔවුන් කටයුතු කර ඇත.
මෙම පුවත රිවිර ඉරිදා පුවත්පත තුළ හෝ රිවිර පුවත්පතෙහි නිල වෙබ් අඩවියෙන් හෝ ඔවුන් විසින් මෙහෙයවන කිසිදු සමාජ ජාල පිටුවක හෝ කිසිසේත් පළ නොකළ බවත් එම පුවත පිළිබඳ කිසිඳු වගකීමක් නොදරන බවත් රිවිර මාධ්‍ය ආයතනය පාඨකයන් වෙත දන්වා තිබිණි.
ඇමතිගෙනුත් මාධ්‍ය නිවේදනයක්
නිවාඩු මාස වලදී ගුරු වැටුප් නතර කරන බවට අන්තර්ජාල මාධ්‍ය හරහා පලවන අසත්‍ය පුවත පිලිබඳවයි
අමාත්‍යවරයා විසින් බදුල්ලේ පැවති උත්සවයකදී පැවසූ බව දක්වමින් වෙබ් අඩවියක පළවූ පුවතක් තවත් කණ්ඩායමක් විසින් මුදල් ගෙවා ෆේස් බුක් සමාජ ජාල ඔස්සේ ව්‍යාප්ත කිරීමේ උත්සහයක නිරතවන බව පැහැදිලි වේ.
අධ්‍යාපන අමාත්‍යවරයාගේ මූලිකත්වයෙන් අධ්‍යාපන අමාත්‍යංශය සිදුකරන ජනතා විශ්වාසය දිනාගත් වැඩසටහන් පිළිබදව මෙන්ම ඒ හරහා ගොඩනැගී ඇති අධ්‍යාපන අමාත්‍යවරයාගේ ප්‍රතිරූපය සහ පෞරුෂත්වය බිඳදැමීමේ කුමන්ත්‍රණයක් මේ හරහා ක්රියාත්මක බවට පැහැදිලි තොරතුරු අප සතුව තිබේ.
එමෙන්ම පාසල් ප්‍රජාව සහ අමාත්‍යවරයා අතර සිත් බිඳවීම් සහ විශ්වාසය පලුඳු කිරීම මෙම කුමන්ත්‍රණකරුවන්ගේ අරමුණ වී ඇති බව පැහැදිලිය. කුමන්ත්‍රණකරුවන් විසින් අදාල ප්‍රවෘත්තිය රිවිරෙන් උපුටා ගත් බව ප්‍රකාශ කරන නමුත් රිවිර නිළ වෙබ් අඩවියේ හෝ දැනට සති අන්ත ඉරිදා දිනයේ පමණක් නිකුත් කෙරෙන රිවිර පුවත්පතේ හෝ එවැනි ආකාරයේ කිසිදු ප්‍රවෘත්තියක් පළ නොවූ බව රිවිර කතෘ මණ්ඩලය විසින් ද අප වෙත සනාථ කර තිබේ.
මෙවැනි තත්ත්වයක් තුළ සිතාමතා ද්වේශ සහගතව හා සැලසුම් සහගත ලෙස අධ්‍යාපන අමාත්‍යවරයාගේත් අධ්‍යාපන අමාත්‍යංශයේත් ප්‍රතිරූපයට හානි ඇතිවන ආකාරයෙන් තොරතුරු පළ කර ඇති අදාල වෙබ් අඩවිය , අදාල ප්‍රවෘත්තිය සමාජ මාධ්‍ය ජාල තුළ ව්‍යාප්ත කිරීමට සැලසුම් සහගතව කටයුතු කළ කණ්ඩායම් හා පුද්ගලයින් පිළිබද අමාත්‍යංශය මට්ටමින් හෙට දිනයේ පොලිස් පැමිණිල්ලක් සිදුකිරීමටත් අවශ්‍ය ඉදිරි නීතිමය ක්‍රියාමාර්ග ගැනීමටත් කටයුතු කරන බවද සඳහන් කරමු.
කල්ප ගුණරත්න,
මාධ්‍ය ලේකම්,
අධ්‍යාපන අමාත්‍යංශය.
COMMENTS