මේ දිනවල උතුරේ පිහිටි යුද හමුදා කදවුරු මෙන්ම සෙසු ආරක්ෂක කදවුරු ඉවත් කිරීම් සම්බන්ධයෙන් දැක්වෙන අදහස් එකිනෙකට පරස්පර විරෝධී බවක් පෙනෙන්නට ...
මේ දිනවල උතුරේ පිහිටි යුද හමුදා කදවුරු මෙන්ම සෙසු ආරක්ෂක කදවුරු ඉවත් කිරීම් සම්බන්ධයෙන් දැක්වෙන අදහස් එකිනෙකට පරස්පර විරෝධී බවක් පෙනෙන්නට තිබේ.
අග්‍රාමාත්‍යවරයා හමුදා කදවුරු ඉවත් කිරීමට සිදුවන බවත් රටක් දියුණුවට පත්වන විට ක්‍රම ක්‍රමයෙන් ආරක්ෂක අංශ ඉවත්ව යන බවත් යාපනයේදී පවසද්දී ඒ ඒ ආරක්ෂක අංශ වල ප්‍රධානීන් කියා සිටින්නේ කුමන අවශ්‍යතාවයක් මත හෝ ආරක්ෂක කදවුරු ඉවත් නොකරණ බවයි.
නමුත් යාපනයේ පොන්නාලේ හන්දියේ වසර ගණනාවක්ම තිබූ නාවික හමුදා මුරපොල හා කදවුර මේ සතියේදී ඉවත් විණි.
යුද හමුදා කදවුරක්ද සම්පුර්ණයෙන්ම ඉවත් කෙරිණි. ළගදීම යුද හමුදාව විසින් භාවිත කළ ඉඩම් අක්කර 522 කින් යුද හමුදාව ඉවත් වී එම ඉඩම් ඒවායෙහි අයිති කරුවන්ට ලබා දීමට නියමිතය.
ඉතාම නුදුරේදී පලාලි ගුවන්තොටුපල ඉන්දීය සංවර්ධන යෝජනා ක්‍රමය යටතේ සංවර්ධනය වන විට පලාලි ගුවන් හමුදා කදවුර අවට ප්‍රදේශයේ ඉඩම් වලින් ගුවන් හමුදා කදවුරු ඉවත් කිරීමට සිදු වේ.
කිළිනොච්චියේ ඉරණතීව් දූපතේ අක්කර අටක භූමියක් පමණක් නාවික හමුදාවේ ප්‍රයෝජනයට තබාගෙන සෙසු ඉඩම් සියල්ල නිදහස් කොට තිබේ.
සියලුම ආරක්ෂක අංශ වලට අයත් ඉඩම් වලින් කදවුරු හා මුර පොලවල් ගලවා ඉවත් කිරීමේ කටයුතු මේ දිනවල සිදු වෙමින් පවතින නමුත් උතුරේ එවැන්නක් සිදු නොවන බවට ප්‍රකාශ නිකුත් කරයි.
(දිනසේන රතුගමගේ)
COMMENTS