පාතාලය මර්ධනය නොකරන්නේ මැතිවරණයේ දී ප්‍රයෝජනයට ගන්නද යන්න පිළිබඳ ගැටළුවක් පවතින බව නීතිඥ සංවිධාන ජාතික එකමුතුවේ කැඳවුම්කරු නීතිඥ මනෝජ් ගමග...
පාතාලය මර්ධනය නොකරන්නේ මැතිවරණයේ දී ප්‍රයෝජනයට ගන්නද යන්න පිළිබඳ ගැටළුවක් පවතින බව නීතිඥ සංවිධාන ජාතික එකමුතුවේ කැඳවුම්කරු නීතිඥ මනෝජ් ගමගේ මහතා මෙසේ පැවසීය.
ඒ ඊයේ පැවති මාධ්‍ය හමුවකට එක්වෙමිනි.
එහිදී ඒ මහතා මෙසේ අදහස් දැක්විය.
“මේ පාතාලයේ ප්‍රශ්නය අපි දන්නවා දැන් මේ වන විට දරුණු තත්ත්වයකට පත් වෙලා තියෙනවා. අපි දැඩි ලෙස චෝදනා කර සිටිනවා මේ පාතාලයේ මැඩ පැවැත්වීම හරියට කරන්නේ නැත්තේ අනාගතයේ පැවැත්වෙන මැතිවරණයකදී භයානක ඉඟියක් තියෙනවා පාතාලය විසින් මැතිවරණය මෙහෙයවයිද කියන කාරණය. ජනතාවගෙන් පඩි ලබන ඔබ කොමිසමට බැරිනම් වහාම ඔබතුමාම ජන මාධ්‍ය ඉදිරියේ පොරොන්දු වූ පරිදි ඔබ කොමිසම ඉල්ලා අස්වෙලා වහාම මේ වැඩේ කරන්න පුළුවන් කොමිසමකට භාර දෙන්න.”
හිටපු අගවිනිසුරු සරත් නන්ද සිල්වා මහතා මෙසේ අදහස් දැක්විය.
“අපි දැන් ආණ්ඩුවෙන් මේ බලකිරීමක් කරන්න ඕනේ, මේකෙන් වෙන්නේ අනිත් අවුරුද්ද වෙනකොට මේ ජන්ද ඔක්කොම ගොඩගැහෙනවා. පළාත් සභාවල ජන්දයි, ජනාධිපති මැතිවරණවල ජන්දයි ඔක්කොම ගොඩ ගැහිලා මේ රට අන්තිම අස්ථාවර තත්ත්වයකට පත් වෙනවා. කවුරුත් කිසිම ආයෝජනයක් කරන්නේ නැහැ. බලාගෙන ඉන්නවා. මේක ජාතික ඛේදවාචකයක්.”
COMMENTS