කුමන ක්‍රමයක් යටතේ ඉදිරි පළාත් සභා ඡන්දය පැවැත්වුවද, එම මැතිවරණය ජයග්‍රහණය කිරීමට ශ්‍රී ලංකා පොදුජන පෙරමුණ සූදානම් කර ඇතැයි හිටපු අමාත්‍ය ...
කුමන ක්‍රමයක් යටතේ ඉදිරි පළාත් සභා ඡන්දය පැවැත්වුවද, එම මැතිවරණය ජයග්‍රහණය කිරීමට ශ්‍රී ලංකා පොදුජන පෙරමුණ සූදානම් කර ඇතැයි හිටපු අමාත්‍ය බැසිල් රාජපක්ෂ මහතා පවසයි.
හෙතෙම මේ බව පැවසූවේ දිවයින පුරා පැවැත්වීමට නියමිත පොදු ජන රළ ආණ්ඩු විරෝධී ජාතික හටන රජරටින් ආරම්භ කිරීමේ අවස්ථාවට එක්වෙමිනි.
ශ්‍රී ලංකා පොදුජන පෙරමුණේ ඉදිරි දේශපාලන කටයුතු පිළිබඳව පාක්ෂිකයින් දැනුවත් කිරීම සඳහා දිවයින පුරා සංවිධානය කෙරෙන පොදු ජන රළ ආණ්ඩු විරෝධී ජාතික හටන ඊයේ (14) උතුරු මැද පළාතෙන් ආරම්භ කෙරුණු අතර කඳුරුවෙල පැවති ජන රැළියට ඒකාබද්ධ විපක්ෂයේ මහජන නියෝජිතයින් රැසක් එක්ව සිටියේය.
ගම් පෙරළියට කලින් ගමේ පෙරළියක් ඇති කළේ පළාත් පාලන මැතිවරණයෙන් ශ්‍රී ලංකා පොදුජන පෙරමුණ ගමේ බලය අල්ලා ගැනීමෙන් බවත් ගමේ බලය අල්ලපු පොහොට්ටුව රටේ බලය අල්ලීමට මංගල පියවර තැබූ බවත් බැසිල් රාජපක්ෂ මහතා සඳහන් කළේය.
COMMENTS