මස්කෙලිය ප්‍රාදේශිය රෝහලේ දැනට පවතින වෛද්‍ය හිගයට වහාම විසදුම් ලබා දෙන ලෙස ඉල්ලා එම රෝහල ඉදිරිපිට අද (19) උදෑසන උද්ඝෝෂණයක් පැවැත්විය. එම ...
මස්කෙලිය ප්‍රාදේශිය රෝහලේ දැනට පවතින වෛද්‍ය හිගයට වහාම විසදුම් ලබා දෙන ලෙස ඉල්ලා එම රෝහල ඉදිරිපිට අද (19) උදෑසන උද්ඝෝෂණයක් පැවැත්විය.
එම රෝහලේ සායන කටයුතුවලට පැමිණි රෝගින් , ප්‍රදේශවාසින් හා රෝහල් සංවර්ධන කමිටුවේ නිලධාරින් එක්ව මෙම උද්ඝෝෂණය පැවැත්විය.
වෛද්‍ය හිගය හේතුවෙන් එම රෝහලේ සායන කටයුතු සදහා සහ බාහිර රෝගි අංශයෙන් ප්‍රතිකාර ලබා ගැනිම සදහා අද (19) එම රෝහලට පැමිණි රෝගින් විශාල පිරිසක් එම රෝහලේ දිස්ත්‍රික් වෛද්‍ය නිලධාරියා පමණක් සියළුම කටයුතු පැවැත් විම නිසා රෝගින් දැඩි අසිරුතාවයට පත් වි සිටියහ.
මධ්‍යම පලාත් සෞඛ්‍ය අංශය යටතේ පාලනය වන මස්කෙලිය ප්‍රාදේශිය රෝහල බල ප්‍රදේශයේ තේ වතු 20 වැඩි ප්‍රමාණයක් , ගම්මාන 4 ක් ඇතුළු 60000 පමණ ජනගහනයක් ආවරණය වෙන බල ප්‍රදේශයකි.
එම රෝහලේ වෛද්‍යවරුන් පස් දෙනෙකු සිටිය යුතු වුවද දැනට එම රෝහලට අනුයුක්ත කර ඇති එක් වෛද්‍යවරියක් ප්‍රසුත නිවාඩු ලබාගෙන ඇති අතර, අනෙක් වෛද්‍යවරයා පාඨමාලාවක් හැදැරිම සදහා රෝහලෙන් බැහැරව ගොස් ඇත.
එම රෝහලේ පවතින දැඩි වෛද්‍ය හිගය හේතුවෙන් එම රෝහලට පැමිණෙන කිසිදු අසාධ්‍ය රෝගියෙකු රෝහල තුල නේවාසිකව ප්‍රතිකාර ලබා නොදෙන අතර, එම සියළුම රෝගින් දික්ඔය මුලික රෝහලට මාරු කර යැවිමට දිස්ත්‍රික් වෛද්‍ය නිලධාරියා කටයුතු කරනු ලබයි.
මහල් තුනකින් සමත් විත මෙම රෝහලේ නේවාසිකව රෝගින් 100 කට වැඩි ප්‍රමාණයකට ප්‍රතිකාර ලබා දිමට හැකියාව ඇති අතර, එම රෝහලේ වෛද්‍යවරුන් නොමැති නිසා එම රෝහල සතු ළමා වාට්ටුවද මේ වන විට වසා දමා ඇත.
එම රෝහලේ බාහිර රෝගි අංශයෙන් ප්‍රතිකාර ලබා ගැනිමට දිනකට රෝගින් 200 කට අධික පිරිසක් පැමිණෙන බවත්, රෝහලේ දැනට රාජකාරියේ සිටින දිස්ත්‍රික් වෛද්‍ය නිලධාරියට පමණක් රෝහලේ සියළුම කටයුතු සිදු කිරිමට නොහැකි බවයි එම රොහලේ සේවකයන්ද කියා සිටින්නේය.
මෙම වෛද්‍ය හිගය මාස කිහිපයක් තිස්සේ පැවතිම නිසා එම රෝහලේ පරිපාලන කටයුතු මෙන්ම බාහිර රෝගි අංශයට පැමිණෙන රෝගින් ඇතුළු හදිසි රෝගින් පරික්ෂා කිරිමට සිටින්නේ දිස්ත්‍රික් වෛද්‍ය නිලධාරියා පමණක් බවයි එම රෝහලේ සේවකයින් වැඩි දුරටත් පවසති.
සායන කටයතු සහ බාහිර රෝගි අංශයෙන් ප්‍රතිකාර ලබා ගැනිමට රෝහලට පැමිණි රෝගින් සහ උද්ඝෝෂනයේ නියැලි පිරිස කියා සිටින්නේ වහාම එම රෝහලේ පවතින උග්‍ර වෛද්‍ය හිගයට විසදුමක් ලබා දෙන ලෙසය.
(හැටන් රංජිත් රාජපක්ෂ)
COMMENTS