ජනවරම තේරුම් නොගෙන පසුගිය ආණ්ඩුව සිදු කළ වැරදි නැවත සිදු කළහොත් ජනතාව රටේ නායකයින් දෙපළට පාඩමක් උගන්වනු ඇති බව අමාත්‍ය රිෂාඩ් බදියුදීන් මහ...
ජනවරම තේරුම් නොගෙන පසුගිය ආණ්ඩුව සිදු කළ වැරදි නැවත සිදු කළහොත් ජනතාව රටේ නායකයින් දෙපළට පාඩමක් උගන්වනු ඇති බව අමාත්‍ය රිෂාඩ් බදියුදීන් මහතා අවධාරණය කරයි.
රටේ නායක දෙපලට තවත් මාස 18ක කාලයක් ඇති බවත් ඒ කාලය තුළ ජනතාව දුන් ජනවරම ඉටු කළ යුතු බවත් අමාත්‍යවරයා සඳහන් කළේය.
කෑගල්ල දිස්ත්‍රික්කයේ ස්වයංරුකියා ලාභීන් සඳහා උපකරණ බෙදා දීමේ උත්සවයකට එක්වෙමින් අමාත්‍යවරයා මේ බව පැවසී ය.
එහිදී අමාත්‍යවරයා මෙසේද කීය.
“සමහර ස්වාමීන් වහන්සේලා කියනවා අපි කැලේ කපනවලු. අපි විල්පත්තු විනාශ කරනවලු. අපි අරාබි කොලනියක් හැදෙනවලු. මුස්ලිම් සමාජය මම බලෙන් ගිහිල්ලා පදිංචි කරනවලු. වෙන පළාතකින් ගෙනල්ලා මුස්ලිම් අය පදිංචි කරනවලු. පර්චස් දහයක් හරි මුස්ලිම් අය පදිංචි වෙලා ඉන්නවනම් ඒ බව ඔප්පු කරලා ඒ පවුල් ඔක්කොම ඒ ප්‍රදේශයෙන් එලවන්න කියලා මම එලායට අභියෝග කරනවා. මෛත්‍රීපාල සිරිසේන ජනාධිපතිතුමාට මම කිව්වා. ඔබතුමා කොමිසමක් පත් කරන්න. අපිට වැරදි චෝදනාවක් එල්ල කරනවා. කියනවනම් ඕන දඩුවමක් මට හෝ මගේ සමාජයට දෙන්න කියලා මම එතුමාට කිව්වා. ඒ කමිටු වාර්තාව ජනාධිපතිතුමාට දුන්නා. ඒ වාර්තාව එළියට ආවානම් දැනගන්න පුළුවන් ඇත්ත නැත්ත. කරුණාකරලා වාර්තාව එළියට දාන්න. කොතන හරි වැරැද්දක් තියෙනවානම් හදන්න.“ යැයි අමාත්‍යවරයා වැඩිදුරටත් පැවසී ය.
COMMENTS