රන්ජන් රාමනායක මහතා සහ මංගල සමරවීර මහතා මේ වන විට අසත්‍ය චෝදනා කරමින් සිටින බවත් රන්ජන් රාමනායක මහතාට වීදුරු ගෙවල්වල සිට ගල් ගැසීම සිදු නො...
රන්ජන් රාමනායක මහතා සහ මංගල සමරවීර මහතා මේ වන විට අසත්‍ය චෝදනා කරමින් සිටින බවත් රන්ජන් රාමනායක මහතාට වීදුරු ගෙවල්වල සිට ගල් ගැසීම සිදු නොකරන ලෙසත් මව්බිම වෙනුවෙන් රණවිරුවෝ සංවිධානයේ කැඳවුම්කරු නීතිඥ අජිත් ප්‍රසන්න මහතා පවසයි.
ඊයේ (03) පැවති මාධ්‍ය හමුවකට එක්වෙමින් ඒ මහතා මේ බව ප්‍රකාශ කළේය.
ගෝඨාභය රාජපක්ෂ මහතා 2020 ජනාධිපතිවරණට ඉදිරිපත් වන බවට පැතිර යන රාවය නිසා මේ වන විට ගෝඨාභය රාජපක්ෂ මහතාට මඩ ගැසීමේ ව්‍යාපාරයක් ආරම්භ කර ඇති බව අජිත් ප්‍රසන්න මහතා මෙහිදී පැවසීය.
මේ වන විට රන්ජන් රාමනායක අමාත්‍යවරයා ඇමෙරිකාව තුළ අත්අඩංගුවට ගැනීමට සිටින පුද්ගලයෙක් බවට පත්ව ඇති බවද ඒ මහතා වැඩිදුරටත් පැවසීය.
එහිදී ඒ මහතා මෙසේ අදහස් දැක්වීය.
“ගෝඨාභය රාජපක්ෂ තමයි ජනාධිපතිවරණයට ඉදිරිපත් වෙන්නේ 2020 කියන එක ගැන කතා බහක් ඇති වෙනවා. ගෝඨාභය රාජපක්ෂ මහතාට මඩ ගැහීම ආරම්භ කරලා තියෙනවා. ඒ තත්ත්වය යටතේ තමයි රන්ජන් රාමනායක ලවා මංගල සමරවීර අලුත් ව්‍යාපෘතියක් පටන් ගත්තේ කතරගම ගෙයක් තියෙනවා ගෝඨාභය රාජපක්ෂට ඒකත් පොදු දේපළ පනතට වැටෙන එකක් අන්න ඒක හරහා හරි අත්අඩංගුවට ගන්න. ඒ දේපොළ පැවරීම සම්බන්ධව ඔප්පුව අරගෙන එන්න මාත් එක්ක ගෝඨාභය රාජපක්ෂ මහත්තයා හම්බ වෙන්න.”
“ගෝඨාභය මහත්තයා කියනවා රන්ජන් රාමනායකට හෝ මේ රටේ ඕනෑම පුරවැසියෙකුට ඔය කියන දේපොළ ලියා දෙන්න සූදානම්. රන්ජන් රාමනායකට කියනවා මහත්තයෝ විදුරු ගෙවල්වල ඉඳලා ගල් ගහන්න සූදානම් වෙන්න එපා. ඔබ ඇමරිකාවේ ඇමරිකන් එක්ස්ප්‍රස් කියන බැංකුවෙන් ක්‍රෙඩිට් කාඩ් එකක් අරගෙන ඒකෙන් විවිධ වැඩ අරගෙන ලංකාවට පැනලා ආවා ඒක ගෙවන්නේ නැතුව. ඒ නිසා අද රන්ජන් රාමනායක WANTED කෙනෙක්. අත්අඩංගුවට ගත යුතු කෙනෙක්. ඒ නිසා මම කියනවා රන්ජන් රාමනායක මහත්තයෝ ඇවිත් කියන්නකෝ එහෙම එකක් නැහැ කියලා.”යැයිද ඒ මහතා වැඩිදුරටත් පැවසීය.
COMMENTS