ආවා කල්ලි සාමාජිකයෙකුගේ වෙළඳසැලකට පෙට්‍රල් බෝම්බ ප්‍රහාර දෙකක් (PHOTOS)

යාපනය කන්කසන්තුරෙයි මාර්ගයේදී ආවා කල්ලියේ හිටපු ප්‍රභල සාමාජිකයෙකුගේ වෙළඳසැලකට කිසියම් පිරිසක් විසින් ඊයේ (25) රාත්‍රියේ පෙට්‍රල් බෝම්බ ප්...

අනුරගේ ආණ්ඩුවෙන් නඩු වැටෙන්න යන සෙට් එකේ නම් ලිස්ට් එක මෙන්න! එස්.එම්. චන්ද්‍රසේන-හරීන් ප්‍රනාන්දු-මනූෂ නානායක්කාර-රෝහිත අබේගුණවර්ධන- ප්‍රසන්න රණතුංග- බැසිල් රාජපක්ෂ- මහින්දානන්ද අලුත්ගමගේ! බැඳුම්කර වංචාව සහ පාස්කු ප්‍රහාර නඩුවත් එනවා! VIDEO

ජනපති අනුර ජනපති මැදුරේ කෝකියන් තොගයක් ආපසු යවලා!

කුමාර වෙල්ගම මහතා අභාවප්‍රාප්ත වෙයි!

යාපනය කන්කසන්තුරෙයි මාර්ගයේදී ආවා කල්ලියේ හිටපු ප්‍රභල සාමාජිකයෙකුගේ වෙළඳසැලකට කිසියම් පිරිසක් විසින් ඊයේ (25) රාත්‍රියේ පෙට්‍රල් බෝම්බ ප්‍රහාර දෙකක් එල්ල කොට පලාගොස් ඇති බවට යාපනය පොලිසිය කියා සිටියේය.

කන්කසන්තුරෙයි මාර්ගයේ වඩක්කොඩ්ඩෙයි මන්සන්ධියේ පිහිටි ඇලුමිනියම් සවි කරන වෙළඳසැලටකට ඊයේ (25) රාත්‍රි 7ට පමණ පෙට්‍රල් බෝම්බ ප්‍රහාර දෙකක් කිසියම් පිරිසක් එල්ල කොට පලා ගොස් ඇති අතර එල්ල කරන ලද පෙට්‍රල් බෝම්බ ප්‍රහාර දෙකෙන් එක් බෝම්බයක් පිපිරීමෙන් වෙළඳසැලට සුලු හානි සිදුව ඇති බවට යාපනය පොලීසිය කියා සිටියේය.

මොහොමඩ් ඉක්ක්‍රාම් නැමති හිටපු ආවා කල්ලි සාමාජිකයා මේ වන විට ආවා ක්‍රියාකාරකම් හේතුවෙන් බන්ධනාගාරගතව සිටින අතර ඔහුට අයත් වෙළඳසැලෙහි මේ වන විට ඔහුගේ පියා බලා ගන්නා අතරතුර මෙම පෙට්‍රල් බෝම්බ ප්‍රහාරය එල්ල වී ඇත.

අදාල බෝම්බ ප්‍රහාරය එල්ල වන අවස්ථාවේදී ඊයේ දින ඉරිදා නිවාඩු දිනයක් බැවින් වෙළඳසැල වසා කිසිවෙකුත් නොසිට ඇති අතර බෝම්බ ප්‍රහාරය එල්ල කළ තැනැත්තන් සොයා මේ වන විට යාපනය පොලීසිය විසින් පරික්ෂණයක් ආරම්භ කොට ඇත.

(වන්නි රොමේෂ් මධුෂංඛ)