මහනුවර ගැටුම සම්බන්ධයෙන් සොයා බැලීම පිණිස ශ්‍රී ලංකා ජනපති විසින් කොමිසමක් පත් කර තිබෙන බැවින් එහි අභ්‍යන්තර ස්වරූපය ඉදිරියේදී හෙළිදරව් වන...
මහනුවර ගැටුම සම්බන්ධයෙන් සොයා බැලීම පිණිස ශ්‍රී ලංකා ජනපති විසින් කොමිසමක් පත් කර තිබෙන බැවින් එහි අභ්‍යන්තර ස්වරූපය ඉදිරියේදී හෙළිදරව් වනු ඇති බවත් ඒ සම්බන්ධයෙන් මැදිහත් වීම් හෝ බලපෑම් කිරීමට යුරෝපා සංගමය කිසිදු අවස්ථාවක කටයුතු නොකරන බවත් යුරෝපා සංගමයේ තානාපති ටියුන්ග් ලායි මාර්ගුයි (Tung-Lai-Margue) මහතා ප්‍රකාශ කළේය.
ජාතික සංහිදියාව සඳහා පාර්ලිමේන්තුව තුළ ගන්නා තීන්දු තීරණ සාර්ථක වන්නේ ප්‍රජාව ඊට දක්වන දායකත්වය මත බවත් පූජ්‍ය පක්ෂය. විද්වතුන්, ව්‍යාපාරිකයන් ඇතුළු සියලු කණ්ඩායම් මෙහිදී අවංකව අදහස් දක්වමින් විවෘත සංවාදයකට එළඹීම අත්‍යවශ්‍ය කරුණක් බවත් ඒ මහතා කීය.
ශ්‍රී ලංකා ජමෙයිතුල් උලමා සංවිධානයේ මහනුවර දිස්ත්‍රික් කාර්යාලයේදී අද (28) පැවති මාධ්‍ය හමුවකදී තානාපතිවරයා මේ බව ප්‍රකාශ කළේය.
මහනුවරට පැමිණ බෞද්ධ හා මුස්ලිම් ආගමික නායකයින් බැහැදැක, විපතට පත්වූවන් හා එම ස්ථාන දැක බලා ගනිමින් තමන් ඇතුළු පිරිස උත්සහ කළේ මහනුවර සිද්ධිය පිළිබඳ පැහැදිලි දැනුවත් බවක් ලබා ගැනීමට බවත් මේ ඔස්සේ වාර්තා සකස් කිරීමට හෝ රජයට යම් බලපෑමක් එල්ල කිරීමේ කිසිදු අදහසක් නොමැති බවත් හෙතෙම අවධාරණය කළේය.
ජාතීන් අතර අනවබෝධයක් හා නිවැරදි ලෙස තොරතුරු හුවමාරු නොවීමේ ගැටළුවක් පැහැදිලිව පෙනෙන්නට තිබෙන බවත් මේවා පිළිබඳ විශේෂ අවධානයක් යොමු කිරීම තුළින් අනාගතයේදී මෙවැනි සිදුවීම් වළක්වා ගත හැකි බවත් ඒ මහතා කිවේය.
(මහනුවර
COMMENTS