මහනුවර දිස්ත්‍රික්කයේ පසුගිය ඇති වූ කලහකාරී සිද්ධිය සම්බන්ධයෙන් යුද හමුදාව විසින් රජයට කරුණු වාර්තා කර තිබේ. යුද හමුදාපති ලුතිනල් ජනරාල් ...
මහනුවර දිස්ත්‍රික්කයේ පසුගිය ඇති වූ කලහකාරී සිද්ධිය සම්බන්ධයෙන් යුද හමුදාව විසින් රජයට කරුණු වාර්තා කර තිබේ.
යුද හමුදාපති ලුතිනල් ජනරාල් මහේෂ් සේනානායක මහතාගෙන් කළ විමසීමකදී කියා සිටියේ මේ වන විට මහනුවර දිස්ත්‍රික්කයේ සාමකාමී තත්ත්වයක් පවතින බවට මෙලෙස කරුණු වාර්තා කළ බවයි.
ඒ අනුව සාමාන්‍ය සිවිල් පරිපාලනය යටතේ මහනුවර දිස්ත්‍රික්කයේ දෛනික කටයුතු පවත්වා ගෙන යා හැකි බව ද එමඟින් පෙන්වා දී තිබේ.
මේ අතර අපරාධ පරීක්ෂණ දෙපාර්තමේන්තුව ඇතුළු පොලිසියේ තවත් පරීක්ෂණ කණ්ඩායම් කිහිපයක් අද දිනයේත් මහනුවර දිස්ත්‍රික්කයේ පරීක්ෂණ කටයුතුවල අඛණ්ඩව නිරතව සිටියි.
මෙම කලහකාරී සිදුවීම් සමඟ පසුගිය 6 වනදා ජනාධිපතිවරයා රට තුළ හදිසි තත්ත්වයක් ප්‍රකාශය පත් කරනු ලැබීය.
මෙලෙස හදිසි තත්ත්වයක් ප්‍රකාශයට පත් කරනු ලැබුවේ මහජන ආරක්ෂක පනතේ දෙවන කොටස බලාත්මක කරමින් ජනාධිපතිවරයාට පැවරෙන බලතල වලට අනුවය.
ආණ්ඩුක්‍රම ව්‍යවස්ථාවට අනුව ජනාධිපතිවරයාට දින 10ක් සඳහා මෙලෙස හදිසි නීතිය පැනවිය හැකි අතර එය තවදුරටත් දීර්ඝ කරන්නේ නම් පාර්ලිමේන්තුවේ අනුමැතිය ලබා ගත යුතු වේ. අදට එම දින 10 සම්පුර්ණ වේ.
COMMENTS