වවුනියාව නව බස්නැවතුම්පළේ කොටසක් වෙන් කොට ලංගම බස්රථ සඳහා ලබාදෙන බවට ජාතික ගමනාගමන මණ්ඩලය එකඟවීමෙන් පසුව දින හතරක කාලයක් පුරා පැවති උතුරු ...
වවුනියාව නව බස්නැවතුම්පළේ කොටසක් වෙන් කොට ලංගම බස්රථ සඳහා ලබාදෙන බවට ජාතික ගමනාගමන මණ්ඩලය එකඟවීමෙන් පසුව දින හතරක කාලයක් පුරා පැවති උතුරු පළාත් ලංකා ගමනාගමන මණ්ඩල සේවකයින්ගේ වැඩවර්ජනය ඊයේ (4) අවසන් කෙරිණි.
වැඩවර්ජනයේ නිරත උතුරු පළාත් ලංගම සේවකයින්ගේ ප‍්‍රධාන ඉල්ලීම ලෙස නව බස්නැවතුම්පළ බෙදා එක් කොටසක් පෞද්ගලික බස්රථ සඳහා ද අනෙක් කොටස ලංකා ගමනාගමන මණ්ඩලයට ලබාදෙන ලෙසට කළ ඉල්ලීමට ප‍්‍රතිචාර දක්වමින් උතුරු පළාත් ප‍්‍රධාන අමාත්‍ය සි.වී.විග්නේෂ්වරන් මහතා ජාතික ගමනාගමන කොමිෂන් සභාවෙන් බස්නැවතුම්පල බෙදා වෙන්කර දෙන ලෙස ඉල්ලීම් කරනු ලැබීය.
ඒ අනුව නව බස්නැවතුම්පලේ සියලූ පාර්ශව සමඟ කළ සාකච්ඡාවකින් පසු ලංගම සේවක සංගමය හා පෞද්ගලික බස්රථ සේවක සංගම් බස් නැවතුම්පළ බෙදා වෙන්කිරීම පිළිබඳ එකඟතාවයට පැමිණිමෙන් පසුව වැඩවර්ජනය අවසන් කළ බව උතුරු පළාත් මගී ප‍්‍රවාහන අධිකාරියේ සාමාන්‍යාධිකාරී පි. පද්මනාදන් මහතා පැවසීය.
වර්ජනය අවසන් කිරීමත් සමඟ සාමාන්‍ය පරිදි ලංගම බස්රථ ධාවනය කිරීම ඊයේ (4) ආරම්භ කෙරිණි.
බස්නැවතුම්පළ වෙන් කරමින් ආරක්ෂිත වැටක් ඉදිකිරීමට කටයුතු කරන බවද ලංගම සේවක සංගමය වර්ජනය අවසන් කරමින් පැවසීය.
COMMENTS