විදුලි සංදේශ හා ඩිජිටල් යටිතල පහසුකම් පිළිබඳ අමාත්‍ය හරීන් ප්‍රනාන්දු මහතාගේ පාර්ලිමේන්තු කටයුතු පිළිබඳ ලේකම්වරයා වූ කපිතාන් මිහිමල් මුණසි...
විදුලි සංදේශ හා ඩිජිටල් යටිතල පහසුකම් පිළිබඳ අමාත්‍ය හරීන් ප්‍රනාන්දු මහතාගේ පාර්ලිමේන්තු කටයුතු පිළිබඳ ලේකම්වරයා වූ කපිතාන් මිහිමල් මුණසිංහ මහතා ශ්‍රී ලංකා පොදුජන පෙරමුණට එක්විය.
ශ්‍රී ලංකා පොදුජන පෙරමුණේ බදුල්ල දිස්ත්‍රික් සංවිධායක හිටපු අමාත්‍ය කුමාර වෙල්ගම මහතාගේ ප්‍රධානත්වයෙන් පසුගිය 30 වනදා සවස බදුල්ලේදී පැවැති රැස්වීමකදී මිහිමල් මුණසිංහ මහතා එම පක්ෂයට එක්විය.
ජාතික නිදහස් පෙරමුණ නියෝජනය කරමින් එජනිසයෙන් පළාත් සභා මන්ත්‍රිවරයකු ලෙස ඌව පළාත් සභාවට පත්ව අනතුරුව එක්සත් ජාතික පක්ෂයටද යළිත් වරක් එජනිසයටද එක්ව කටයුතු කර පළාත් සභා මන්ත්‍රි ධුරය අහිමි වීමෙන් පසුව යළිත් එක්සත් ජාතික පක්ෂයට එක්වූ අයෙකි. එවකට ඌව පළාත් ප්‍රධාන අමාත්‍යවරයා වු හරීන් ප්‍රනාන්දු මහතාගේ පෞද්ගලික ලේකම්වරයා ලෙසද මොහු කටයුතු කළේය. ඒ වන තෙක් එක්සත් ජාතික පක්ෂයේ බදුල්ල දිස්ත්‍රික් සංවිධායකවරයා ලෙසද අමාත්‍ය හරීන් ප්‍රනාන්දු මහතාගේ පාර්ලිමේන්තු කටයුතු පිළිබඳ ලේකම්වරයා ලෙසද ඔහු කටයුතු කළේය.
වත්මන් රජයෙන් රටට හෝ ජනතාවට සෙතක් නොවන බවත් ගමේ ජනතාව තේරුම් ගෙන ගමට සේවයක් සැලසිය හැකි නායකත්වයක් එක්සත් ජාතික පක්ෂයේද නොමැති බවත් තේරුම් යෑම නිසා තමන් වත්මන් රජය හා එක්සත් ජාතික පක්ෂයද අත්හැර ශ්‍රී ලංකා පොදුජන පෙරමුණට එක්වීමට තීරණය කළ බව මුණසිංහ මහතා පැවසී ය.
COMMENTS