මේ ‘කැමැත්ත පළ කිරීම’ සඳහා ඔස්ටේ්‍රලියානුවන්ගෙන් 80%ක්ම එක් වී සිටීම ද විශේෂත්වයකි. මේ අනුව ඔස්ටේ්‍රලියානු ඉතිහාසයේ ප්‍රථම වතාවට LGBT ප්...
මේ ‘කැමැත්ත පළ කිරීම’ සඳහා ඔස්ටේ්‍රලියානුවන්ගෙන් 80%ක්ම එක් වී සිටීම ද විශේෂත්වයකි.
මේ අනුව ඔස්ටේ්‍රලියානු ඉතිහාසයේ ප්‍රථම වතාවට LGBT ප්‍රජාව සිය වෛවාහක සමානාත්මතාවය තහවුරු කර ගැනීමට හැකි වනු ඇත. එනම්, ඉතා සරල අර්ථයෙන් කියන්නේ නම්, සාමාන්‍ය ස්ත්‍රී පුරුෂ විවාහයකදී මෙන් නීතියෙන් විවාහ වීමට අවසර ලැබෙනු ඇත.
මේ වසරේ නත්තලේදී, එනම් මේ වසර අග වන විට මෙම නව තත්වය නීතිගත කරන බවට එහි පාලකයන් ප්‍රතිඥා දී තිබේ.
මෙහිදී සිදුකරන්නේ ඔස්ටේ්‍රලියාවේ විවාහ පනත, සමරිසි යුවළවලට ද අදාළ වන සේ සංශෝධනය කිරීමයි.
ඔස්ටේ්‍රලියාවේ 29 වන අගමැති මැල්කම් ටර්න්බුල් මෙවර මහ මැතිවරණයට ඉදිරිපත් වීමේදි ලබාදුන් ප්‍රධානතම මැතිවරණ පොරොන්දුවක් වූයේ සමරිසි විවාහ නීතිගත කරන බවයි. තවද ඔහු දීර්ඝ කාලයක් මුළුල්ලේ සමරිසි විවාහවලට සිය සහයෝගය ලබාදුන් අයෙකි. “මා ඒ ගැන දරණ අදහස හැම කෙනෙක්ම දන්නවා. දැන් මා අගමැති ව සිටින සමය තුළ සියලු ඔස්ටේ්‍රලියානුවන්ට ඒ අයිතිය ලබාදෙන්නට මා කටයුතු කරනවා..” යැයි ඔහු පවසයි.
මැතිවරණ පොරොන්දු පත්‍රිකාවට මෙවැනි යෝජනා ඉදිරිපත් කිරීමට නොව, ඒ පිළිබඳ ප්‍රසිද්ධියේ කතා කිරීමටවත් අකමැති, ලංකාවේ ලිබරල් හැඳුනුම්පතින් පෙනී සිටිනා දේශපාලඥයන්ට මැල්කම් ටර්න්බුල් පූර්වාදර්ශ සපයයි.
මේ අතර හිටපු අගමැති ටෝනි ඇබොට් ද මෙසේ ෆේස්බුක් සටහනක් තැබුවේය. “ඔස්ටේ්‍රලියාවේ ජනතාවට තමන් ගැන කියන්නට උවමනා බොහෝ දේ තිබුණා. අද ප්‍රතිඵලවලින් පෙනී යන්නේ ඔවුන් හරි දේ කළ බවයි..”
ජනමත සමීක්ෂණයේ ප්‍රතිඵල ඇසීම සඳහාම ඔස්ටේ්‍රලියානුවෝ දහස් ගණනින් කඳවුරු බැඳගෙන සිටියහ. ජාත්‍යන්තර ජනමාධ්‍ය විසින් මෙය හැඳින්වූයේ ‘යර්ස් කෑම්ප්’ යනුවෙනි. ක්වන්ටාස් ගුවන්සේවයේ ප්‍රධාන විධායක නිලධාරී ඇලන් ජොයිස් ද සිය ජීවන සහකරු ෂේන් ලොයිඩ් සමග ඒ පිරිස අතර සිටියේය.
ප්‍රතිඵල නිවේදනය වී මද වේලාවකින් යර්ස් කඳවුරේ වේදිකාවට නැංගේ හිටපු අගමැති ටෝනි ඇබොට්ගේ සොහොයුරියයි. “අපි අද මෙතැනට ආවේ වචන තුනක් නිසයි. ඒ තමයි, සහ ... යැයි ඇය කීවාය. සිය හෘදයාංගම කතාවේදී ඇය තවදුරටත් කීවේ තරුණ පරම්පරාවක්ම මේ ජයග්‍රහණයෙන් බලගැන්වෙනු ඇති බවයි. “ඔස්ටේ්‍රලියානුවන්ගේ කැමැත්ත ගැන සමීක්ෂණයක් කරන්න අපිට උවමනා වුණේ නෑ. ඒත් අපි ඒකත් කළා. අපි බලන් හිටියා හොඳටම ඇති...”
-අමාලි ජයවීර
COMMENTS