රුපියල් මිලියන 300 ක් පමණ වටිනා පරිගනක බෙදාදීම මෙහිදී සිදුවූ අතර දන්ත සේවා කටයුතු සඳහා යොදාගනු ලබන බස්රථවල වටිනාකම රුපියල් මිලියන 107 කි....
රුපියල් මිලියන 300 ක් පමණ වටිනා පරිගනක බෙදාදීම මෙහිදී සිදුවූ අතර දන්ත සේවා කටයුතු සඳහා යොදාගනු ලබන බස්රථවල වටිනාකම රුපියල් මිලියන 107 කි.
එහිදී අදහස් දැක්වූ සෞඛ්‍ය අමාත්‍යවරයා,
'සෞඛ්‍ය අමාත්‍යධූරයට මා පත්වන විට ඖෂධ හිගයක් පැවතුනා. සෑම දිනකම ඖෂධ වර්ග 44 - 79 අතර ප්‍රමාණයක හිගයක් තිබුනා. 2014 වර්ෂයේ පමණක් රුපියල් මිලියන 350 ක් වටිනා කල් ඉකුත් වූ ඖෂධ විනාශ කර තිබෙනවා. ඖෂධවල හිගය අවම කළේ පරිගණක මෘදුකාංගයක් හදුන්වා දීමෙන් පසුවයි. එමගින් ඖෂධ විනාශ වීම පවා නතර වුනා. ඖෂධ හිගයක් පිළිබදව ද වාර්තා වුයේ නැහැ. රෝහල් ඩිජිටල්කරණය කිරිම හොරණ මුලික රෝහලෙන් ආරම්භ කළා. 2019 වසර වනවිට රෝහල් 300 ක් පරිගණක ගත කර අවසන් කරනවා.'
'වර්තමානයේ ඇතැම් පිරිස් සයිටම් එකට විරුද්ධව කථා කරනවා. ඔවුන් දූපත් මානසිකත්වයෙන් තමයි කටයුතු කරන්නේ. සෞඛ්‍ය සේවාව ඩිජිටල්කරණය කළාට පමණක් මදි. තමන් ද ඩජිටල්කරණය විය යුතුයි. මනස ඩිජිටල්කරණය විය යුතුයි. එවිට ගෝලීයකරණය පිළිබදව හදුනා ගැනිමට පුලුවන්. එමගින් සේවා සැපයීම පහසු වෙනවා.'
මෙම අවස්ථාවට සෞඛ්‍ය සේවා අධ්‍යක්ෂ ජනරාල් වෛද්‍ය ජයසුන්දර බණ්ඩාර මහතා, කොළඹ ජාතික රෝහලේ නියෝජ්‍ය අධ්‍යක්ෂ ජනරාල් අනිල් ජාසිංහ මහතා, විදුලි සංදේශ සහ ඩිජිටල් තාක්ෂණ අමාත්‍යාංශයේ ලේකම් වසන්ත දේවප්‍රිය මහතා, රෝහල් අධ්‍යක්ෂවරු ඇතුලු පිරිසක් එක්ව සිටියහ.
COMMENTS