බෞද්ධ විහාර දේවාලගම් පනත හා ථේරවාදී භික්ෂු කථිකාව ලියාපදිංචි කිරීමේ පනත් කෙටුම්පත සදහා තමන් වර්ෂ 2005 සිට රජයන් සදහා කරුණු යෝජනා කළත් ...
බෞද්ධ විහාර දේවාලගම් පනත හා ථේරවාදී භික්ෂු කථිකාව ලියාපදිංචි කිරීමේ පනත් කෙටුම්පත සදහා තමන් වර්ෂ 2005 සිට රජයන් සදහා කරුණු යෝජනා කළත් මේ දක්වා ඒ කිසිවක් ඉටු කර ගැනීමට හැකියාවක් ලැබී නැතැයි උන්වහන්සේ සදහන් කළහ. එබැවින් ඒ පිළිබදව කථා කරනවා වඩා නිහඩව සිටීම වඩා උචිත යැයි බුද්ධ ශාසන විෂයභාර නව අමාත්‍ය ගාමිණී ජයවික්‍රම පෙරේරා මහතා සමග මහා නායක හිමියන් ඉකුත්දා (අගෝස්තු 31) මේ බව සදහන් කළේය.
ඇතමුන් මේ පනත විවේචනය කරනවා. සමහර ඊට එරෙහිව කෑ ගසනවා. ඒ වෙනුවෙන් ක්රියාත්මක වන්න දෙන්නේ නැහැ. ඒ නිසා මේ වන විට කථාකරනවාට වඩා නිහඩව සිටීම වඩා උචිත යැයි මල්වතු පාර්ශවයේ මහා නායක හිමියන් සදහන් කළහ.
බුද්ධ ශාසන අමාත්‍යධූරයට පත් ගාමිණි ජයවික්‍රම පෙරේරා මහතා මල්වතු මහා විහාරයේදී එම පාර්ශවයේ මහ නායක හිමියන් හා අස්ගිරි මහා විහාරයේදී අස්ගිරි පාර්ශවයේ මහා නායක අතිපූජ්‍ය වරකාගොඩ ඤාණරතන හිමිපාණන් වහන්සේ බැහැ දැක ආශිර්වාද ලබා ගත්තේය.
අනතුරුව අස්ගිරි මහා විහාරයට ගිය ඒ මහතා යෝජිත පනත් කෙටුම්පත් පිළිබදව තමන් අධ්‍යයනය කළ බවත් ඒ පිළිබදව කමිටුවක් පත් කොට ඉදිරි ක්‍රියාමාර්ග ගැනීමට පියවර ගන්නා බව මහා නායක හිමියන් හමුවේ ප්‍රකාශ කළේය.
වැසි රහිත වියළි කාලගුණය හේතුවෙන් කෘෂීකර්මාන්තයේ නිරතවීමට අවස්ථාව නොලැබී මහා සංඝරත්නයට දන් පිළිගැන්වීමට පවා මහජනයාට අවස්ථාවක් නොමැති නිසා රජයේ මැදිහත්වීම මත දන් පිළිගැන්වීමේ වැඩපිළිවෙලක් දියත් කරන බව අමාත්‍යවරයා සදහන් කළේය.
මේ සදහා ජනාධිපතිවරයාගේ අවධානය යොමු වී තිබෙන බවත් මහා සංඝරත්නයේ අභිවෘද්ධිය වෙනුවෙන් සිය අමාත්‍යංශයෙන් ගත හැකි සියලු ක්‍රියාමාර්ග ගන්නා බව ද අමාත්‍යවරයා පැවසීය.
අස්ගිරි පාර්ශවයේ මහා නායක අතිපූජ්‍ය වරකාගොඩ ඤාණරතන හිමිපාණන් වහන්සේ අදහස් දක්වමින්, පසුගියදා තමන් වහන්සේ යාපනයේ සංචාරය කළ බවත් එහිදී විහාරස්ථාන රැසක් අඩු පහසුකම් යටතේ පවතින බව නිරීක්ෂණය වූ බව කීවේය. විහාරස්ථාන රැසක ප්‍රමාණවත් සනීපාරක්ෂක පහසුකම් මෙන්ම දාන ශාලා ආදිය නොමැති බව ද උන්වහන්සේ කීහ. එම බෞද්ධ විහාරස්ථාන සදහා චෛත්‍ය ආදිය ස්ථාපිත විය යුතු බව ද උන්වහන්සේ පැවසූහ.
නුවර නදීක දයා බණ්ඩාර
COMMENTS