හිටපු තුර්කි අගමැති මහ නාහිමිවරුන් හමුවෙයි

දේශපාලනය හා දේශපාලඥයන්ගේ ක්‍රියාවන් හේතුවෙන් ජනතාව නොසන්සුන් වන බව ද උන්වහන්සේ සදහන් කළහ. සංචාරයක් සදහා මහනුවරට පැමිණි තුර්කියේ හිටපු අග...

දේශපාලනය හා දේශපාලඥයන්ගේ ක්‍රියාවන් හේතුවෙන් ජනතාව නොසන්සුන් වන බව ද උන්වහන්සේ සදහන් කළහ.

සංචාරයක් සදහා මහනුවරට පැමිණි තුර්කියේ හිටපු අග්‍රමාත්‍ය මහාචාර්ය අහමඩ් දවුතොලු ( Ahmet Davutoğlu) මහතා අද (06) පෙරවරුවේ මල්වතු මහා විහාරයේදී එම පාර්ශවයේ මහා නායක අතිපූජ්‍ය තිබ්බටුවාවේ ශ්‍රී සිද්ධාර්ථ සුමංගල හිමියන් බැහැ දුටුවේය.

එහිදී තුර්කියේ අග්‍රමාත්‍යවරයා, ශ්‍රී ලංකාවේ මීට පෙරද තමන් සංචාරය කළ බවත් ඒ සියලු අවස්ථාවන්හීදී මෙරට ජාතින්, ආගමිකයන් අතර මනා යහපත් සබදතාවක් හා සහෝදරත්වයක් දක්නට ලැබුණු බව මල්වතු පාර්ශවයේ මහා නායක හිමිපාණන් වහන්සේ හමුවේ කීවේය.

මේ නිසා ජාති ආගම් අතර පවතින සංහිදියාව සදහා ගත හැකි හොදම නිදර්ශනය බවට ශ්‍රී ලංකාව පත්ව ඇතැයි ද ඒ මහතා කීවේය.

දෙරට අතර සහයෝගය වර්ධනය කර ගැනීම සදහා තමන් ඉදිරියේදී පියවර ගන්නා බව කී හිටපු අග්‍රමාත්‍යවරයා ශ්‍රී ලංකාව අද වන විට පැහැදිලි වශයෙන් ම සියලු ආගමිකයන්ගේ සංහිදියාව හා අධ්‍යාත්මික වර්ධනයට සුදුසුම නිදර්ශනය බවට පත්ව ඇතැයි කීවේය. සිංහළ බෞද්ධ රටක් වුවද මහනුවර පෙරහැර නැරඹීමේදී ඒ සදහා සියලු ජාතීන් සහභාගීවීම සිය සතුටට හේතුවන බව කී හිටපු තුර්කි අග්‍රාමාත්‍යවරයා එවැනි සහයෝගීතාවක් සියලු රටවල පවතින්නේ නම් එය වඩා උචිත යැයි කීවේය.

හිටපු අග්‍රමාත්‍යවරයා සමග සුහද පිළිසදරේ නරත වූ මල්වතු පාර්ශවයේ මහා නායක හිමියන්, ජාතීන් අතර සමගිය ගම්මානවල සමගිය විශාල වශයෙන් පවතිනවා. ඇතැම් දේශපාලඥයන් නිසා ඒ සමගිය ජනතාව අතරින් බැහැර වූ බවක් දක්නට ලැබෙනවා. නමුත් ජනතාව පටු ආකල්ප මත ජීවත්වන්නේ නැහැ. ඒ නිසා වඩා හොද සංහිදියාවක් ශ්‍රී ලංකාව තුළ දක්නට ලැබෙන බව සදහන් කළහ.

ජාතික මාධ්‍ය මධ්‍යස්ථානයේ සභාපති හිටපු අමාත්‍ය ඉමිතියාස් බාකීර් මාකර් මහතා ද මේ අවස්ථාවට එක්විය.

නුවර නදීක දයා බණ්ඩාර

[youtube height="300" width="570" align="left|right|none"]http://www.youtube.com/watch?v=cW2OUPspbXw&feature=youtu.be[/youtube]

...