ශිරන්ති රාජපක්ෂ සමඟ අපරාධ පරීක්ෂණ දෙපාර්තමේන්තුව වෙත මහින්ද රාජපක්ෂ හිටපු ජනාධිපතිවරයා සහ ඒකාබද්ධ විපක්ෂයේ මන්ත්‍රීවරුන් පිරිසක් ද පැම...
ශිරන්ති රාජපක්ෂ සමඟ අපරාධ පරීක්ෂණ දෙපාර්තමේන්තුව වෙත මහින්ද රාජපක්ෂ හිටපු ජනාධිපතිවරයා සහ ඒකාබද්ධ විපක්ෂයේ මන්ත්‍රීවරුන් පිරිසක් ද පැමිණ සිටියහ. රැස්ව සිටි පිරිස කළු පටි පැළඳ විරෝධතාවය පළ කරමින් "අපේ අප්පච්චිට ජයවේවා!" "අපේ මෑණියන්ට ජයවේවා!" වැනි සටන් පාඨ කියමින් ජයඝෝෂා කළ නමුත් සෙනඟ මදි වීමෙන් හෝ යම් අමුත්තක් වැටහීම හේතුවෙන් මහින්ද රාජපක්ෂ මහතා වැඩි වේලාවක් එතැන නොරැඳී පිටව ගියේය. තතු දත් ආරංචි මාර්ග සඳහන් කර සිටියේ රැස්ව සිටි පිරිස අතරින් සැලකිය යුතු කොටසක් යුධ හමුදා බුද්ධි අංශය, රාජ්‍ය ඔත්තු සේවය වැනි අංශ වලින් රාජකාරි සඳහා එවූ පුද්ගලයින් බවයි. මීට පෙර රාජපක්ෂ පාලන සමයේ ද විරෝධතා සඳහා බුරුතු පිටින් බුද්ධි අංශ යෙදවීම සිදු කෙරුණු අතර දැන් වත්මන් පාලනය විසින් ද එයම කරමින් පවතී.
ශිරන්ති රාජපක්ෂ මහත්මියගෙන් ප්‍රකාශ සටහන් කරගැනීම අද ප.ව. 1.00 පමණ වන විට අවසන් කෙරුණු අතර හෙට දිනයේ යෝෂිත රාජපක්ෂගෙන් ද තාජුඩීන් ඝාතනය සම්බන්ධයෙන් ප්‍රශ්න කිරීමෙන් අනතුරුව අනාවරණය වන කරුණු අනුව නැවත දිනයක ඇයව අපරාධ පරීක්ෂණ දෙපාර්තමේන්තුව හමුවට කැඳවනු ඇත.
මීට පෙර ජ්‍යේෂ්ට නියෝජ්‍ය පොලිස්පති ලලිත් ජයසිංහව විද්‍යා ඝාතනයේ ප්‍රධාන සැකකරුට රැකවරණ සැපයීම සම්බන්ධයෙන් ප්‍රශ්න කිරීම සඳහා හය වතාවක් අපරාධ පරීක්ෂණ දෙපාර්තමේන්තුව වෙත කැඳවුණු අතර ඔහුව අත් අඩංගුවට ගෙන අධිකරණයට ඉදිරිපත් කෙරුණේ හය වැනි වතාවේදීය.
සබැඳි පුවත් -
COMMENTS