මීට අමතරව මෙතක් උපාධිය ලබාගත් අය වෛද්‍ය සේවයට අනුයුක්ත කිරීම සඳහා අන්තාර්කාලීන ස්වාධීන අධිකාරිය පත්කළ යුතු බවත් මෙම නිර්දේශ ක්‍රියාත්ම කි...
මීට අමතරව මෙතක් උපාධිය ලබාගත් අය වෛද්‍ය සේවයට අනුයුක්ත කිරීම සඳහා අන්තාර්කාලීන ස්වාධීන අධිකාරිය පත්කළ යුතු බවත් මෙම නිර්දේශ ක්‍රියාත්ම කිරීම සඳහා පාර්ලිමේන්තුවේ අනුමැතිය සහිත ගැසට් මගින් ප්‍රසිද්ධ කළයුතු බවත් පිඨාධිපතිවරුන් ඉල්ලා තිබේ.
මේ වනවිට අධිකරණයේ නඩුවක් ද පවතින අතර මෙම නිර්දේශ ක්රියාත්මක කරවීම හරහා නඩුවට බලපෑම් කිරීම සඳහා වෛද්‍ය පීඨ පීඨාධිපතිවරුන් කටයුතු කරන බවයි වාර්තා වන්නේ. එසේම මෙම ලිපිය වෛද්‍ය පීඨ මහාචාර්යවරුන් බහුතරයකගේ අනුමැතිය නොමැතිව හා සමහරෙකුගේ විරෝධය ද නොසලකා සකස් කර ඇති බවද වැඩිදුරටත් වාර්තා වේ.
කැලණිය වෛද්‍ය පීඨයේ පීඨාදිපති මහාචාර්ය නිලන්ති ද සිල්වා මහත්මිය හා ජයවර්ධනපුර වෛද්‍ය පීඨයේ පීඨාධිපති මහාචාර්ය සුරංග යසවර්ධන මහත්මිය යන දෙදෙනාට අවශ්‍ය පරිදි මෙම නිර්දේශ සකස් කර ඇති අතර සෙසු පීඨාධිපතිවරුන්ගේ අනුමැතිය ලබාගැනීම සඳහා ඔවුන් දෙදෙනා බලපෑම් සහගත ලෙස කටයුතු කරන තිබේ. වැඩිදුරටත් වාර්තා වන්නේ ඔවුන් දෙදෙනා අන්තරයට සහ වෛද්‍ය සංගමයට අවශ්‍ය පරිදි කටයුතු කරමින් සිටින බවයි.
මේ වනවිට පෞද්ගලික වෛද්‍ය විද්‍යාල සම්බන්ධයෙන් රජයේ ප්‍රතිපත්තිය ප්‍රකාශයට පත්කර, පසුගිය රජය සමයේ ආරම්භ කළ සයිටම් ආයතනයේ ඉගෙනුම ලැබූ සහ ඉගෙනුම ලබමින් සිටින සිසුන්ට අසාධාරණයක් සිදු නොවන පරිදි කටයුතු කරමින් සිටියදී දිගින් දිගටම සයිටම් විරෝධී කණ්ඩායම් විවිධ කඩාකප්පල්කාරී ක්‍රියාවන් සිදුකරමින් සිටී. එසේ තිබියදී ගැටලුව විසඳීමට බව කියමින් විටින් විට විවිධ නිර්දේශ ඉදිරිපත් කිරීම හරහා සිදුවන්නේ ගැටලුව තවදුරටත් සංකීර්ණවීමයි. දැන් කළයුත්තේ විටින් විට නිර්දේශ ඉදිරිපත් කිරීම නොව අධිකරණය ඉදිරියට ගොස් තමන්ගේ කරුණු සාධාරණ බව අධිකරණට ඒත්තු ගැන්වීමයි. එසේ නොකර වෛද්‍ය පීඨ පීඨාධිපතිවරුන් අතලොස්සක් සිසුන්ගේ සහ වෛද්‍ය සංගම්වල අවශ්‍යතා අනුව කටයුතු කිරීම කණගාටුවට කරුණකි.
COMMENTS