එසේම නියෝජ්‍ය පොලිස්පතිවරයාගේ කරුණු පැහැදිල කිරීම සම්බන්ධයෙන් සංස්කාරක සටහනක් ද පළකරමු. සංස්කාරක සටහන - පළමුවෙන් ම මෙසේ ප...
එසේම නියෝජ්‍ය පොලිස්පතිවරයාගේ කරුණු පැහැදිල කිරීම සම්බන්ධයෙන් සංස්කාරක සටහනක් ද පළකරමු.
සංස්කාරක සටහන -
පළමුවෙන් ම මෙසේ පිළිතුරු ලිපියක් එවීම සම්බන්ධයෙන්, ප්‍රවර්ථන දිසාව නියෝජ්‍ය පොලිස්පති ප්‍රියන්ත වීරසූරිය ( LLB, LLM) ට අප ස්තූතිවන්ත වන අතර ඔහුගේ පිටු පහකින් යුත් සම්පූර්ණ පිළිතුරු ලිපිය ඔහු එවූ අයුරින් ම පහත පළ කර ඇත. එහි කරුණු කිහිපයක් සම්බන්ධයෙන් සැකෙවින් යමක් කීමට අප කැමතිය.
අපගේ ලිපියෙහි අප සඳහන් කළ මහනුවර හෝටලයකට යාමේ දී ප්‍රියන්ත නියෝජ්‍ය පොලිස්පතිවරයා තවත් නියෝජ්‍ය පොලිස්පති වරයකුට හසුවීම පිළිබඳ සිදුවීමට සාක්ෂි කැඳවිය නොහැක්කේ අදාල නියෝජ්‍ය පොලිස්පතිවරයාද ප්‍රියන්ත නියෝජ්‍ය පොලිස්පතිවරයා එහි ගිය කාර්යය හා සමාන කාර්යයකට ම ගොස් ඇති නිසාය. අවශ්‍ය නම් දිනය සහ තවත් විස්තර අපට පළ කිරීමට හැකි නමුත් පවුල් ජීවිත ගැන ද සලකා බලා එය මෙතැනින් නැවැත්වීමට අප ද කැමතිය.
එසේම නියෝජ්‍ය පොලිස්පතිවරුන්ගේ බිරින්දෑවරුන්ගේ සහ නැන්දම්මාවරුන්ගේ සංගමය ගැන සඳහන් කරන ලද්දේ එහි රූපක අර්ථයෙනි. එය ළිඳ ළඟ සංගමය වැනි එහෙත් ඉතා ම බලවත් සංගමයකි. එය කොතරම් බලවත් ද යම් යම් කොන්ත්‍රාතු අනුමත කරවා ගැනීම සඳහා සමහර කොන්ත්‍රාත්කරුවන් ද සමීප වීමට උත්සාහ දරන්නේ මෙවැනි බිරින්දෑවරුන්ගේ සහ නැන්දම්මාවරුන්ගේ සංගම්වලට ය.
එමෙන් ම නියෝජ්‍ය පොලිස්පතිවරයා තම පිළිතුරු ලිපියෙහි සඳහන් කරන්නේ තමන් වසර 6කටත් වඩා සැපයුම් අංශයන් භාරව ක්‍රියා කළ අතර තමන් ස්ථාන මාරුවීම් ඉල්ලා සිටියමුත් නොලැබුණු බවත් තමන් මෙම අංශය භාරව ක්‍රියා කරන්නේ කැමැත්තකින් නොවන බවත් ය. එසේ නම් නීතීඥවරයකු ලෙස ප්‍රියන්ත වීරසූරිය කළ යුතුව ඇත්තේ අපට ලිපි ලිය ලියා සිටීම නොව තමන්ගේ අකැමැත්තෙන් දිගින් දිගට ම මෙම අංශයෙහි සේවයෙහි යෙදවීමට එරෙහිව මූලික අයිතිවාසිකම් පෙත්සමක් ගොනු කිරීමය.
සමස්තයක් ලෙස නියෝජ්‍ය පොලිස්පතිවරයාගේ දීර්ඝ පිළිතුරු ලිපිය සලකා බලන විට අපට නම් ඔහුගේ කඳ LLM වුව ද හිස තවමත් 1988 කොස්තාපල් ම පමණක් බවය. කෙසේ වෙතත් නියෝජ්‍ය පොලිස්පති ප්‍රියන්ත වීරසූරිය තම සියළුම කිළිටි රෙදි ප්‍රසිද්ධියේ සේදීමට කැමැත්තෙන් අපට අභියෝග කරන්නේ නම් අකැමැත්තෙන් වුවත් එම අභියෝගය භාර ගැනීමට අපට සිදුවන බව පමණක් පෙන්වා දීමට කැමතිය.
COMMENTS