හෘද සැත්කම් සඳහා 'ස්ටෙන්ස්' මිල පහළට

මේ අනුව වෙළඳපොලේ රුපියල් 75,000කට අලෙවි වූ ලෝහමය ස්ටෙන්ට් එකක මිල රුපියල් 24,000 දක්වා ද රුපියල් 350,000කට අලෙවි වූ ඖෂධ මුදාහරින ස්ටෙන්ට්...

මේ අනුව වෙළඳපොලේ රුපියල් 75,000කට අලෙවි වූ ලෝහමය ස්ටෙන්ට් එකක මිල රුපියල් 24,000 දක්වා ද රුපියල් 350,000කට අලෙවි වූ ඖෂධ මුදාහරින ස්ටෙන්ට් එකක මිල රුපියල් 105,000 දක්වා ද අඩු කර ඇත. වෙළඳපොලේ ඉතා අධික මිල ගණන් වලට ස්ටෙන්ස් විකිණීම හේතුවෙන් හෘද රෝගීන් පත්වන අපහසුතාවය පිළිබඳව සලකා බලා තමන් මෙසේ ස්ටෙන්ස් මිල අඩු කිරීමට ජාතික ඖෂධ නියාමන අධිකාරියේ සභාපතිවරයාට දැනුම් දුන් බව අමාත්‍යවරයා පැවසීය. මෙම මිල අඩු කිරීම 2015 අංක 05 දරණ ජාතික ඖෂධ නියාමන අධිකාරි පනතට අනුව සිදු කර තිබේ.

එසේම, නව මිල ගණන් වලට අනුව ස්ටෙන්ස් අලෙවි කෙරෙන්නේදැයි ජාතික ඖෂධ නියාමන අධිකාරියේ නිලධාරීන් විසින් විමර්ශනය කෙරෙනු ඇති බවත් ඉදිරියේදී තවත් මිල අධික ඖෂධ සහ උපකරණ මිල ගණන් අඩු කරමින් ජනතාවට සහන සැලසීමට බලාපොරොත්තු වන බවත් අමාත්‍යවරයා වැඩි දුරටත් ප්‍රකාශ කළේය.