නුවර ඇසළ මංගල්‍යයේ පළමු රන්දෝලි පෙරහැර අද

පස්වරු හය පසුවී මින්ත්තු දාහතරට (6.14) යෙදෙන සුභ මොහොතින් සිරිත් පරිදි වයඹ දිශාභිමුඛව පෙරහැර කරඩුව රැගත් මහ පෙරහැර වීදි සංචාරය ආරම්භ කෙරේ...

ලේක්හවුස් වහලය මත සේවකයින් තිදෙනෙකු විරෝධතාවක 

පොලිස් ලොක්කන්ගේ වාහන දෙකක් එකිනෙක ගැටෙයි

එතනෝල්වලට සෞඛ්‍ය ඇමැතිගෙන් නියෝගයක්!

පස්වරු හය පසුවී මින්ත්තු දාහතරට (6.14) යෙදෙන සුභ මොහොතින් සිරිත් පරිදි වයඹ දිශාභිමුඛව පෙරහැර කරඩුව රැගත් මහ පෙරහැර වීදි සංචාරය ආරම්භ කෙරේ.

 

නාථ, විෂ්ණු, කතරගම හා පත්තිනි යන සිව් මහා දේවාල සමග මහ පෙරහැර දළදා වීදිය, ඩී.එස්. සේනානායක වීදිය, පන්සල පාරේ ඉහළට පැමිණ දේවවීදිය, කොළඹ වීදිය, කොටුගොඩැල්ල වීදිය, ඩී.එස්.සේනානායක වීදිය ඔස්සේ පැමිණ රජ විදියෙන් යළි ශ්‍රී දළදා මාලිගාව වෙත ගෙවැදීමට නියමිතය.

 

හෙළයේ මහා සංස්කෘතික මංගල්‍ය වන මහනුවර ඇසල පෙරහැර කප් සිටුවීමෙන් අනතුරුව ඉකුත් 29 වන දින ආරම්භ විය.

 

රන්දෝලි පෙරහැර අද සිට පුරා දින පහක් වීදි සංචාරය කරන අතර අගෝස්තු මස 07 වන දින අවසන් මහ පෙරහැරින් පසුව දිය කැපුම් පෙරහැර 08 වන දින අලුයම ගැටඹේ දිය කපනා ගං තොට කරා ගමන් කිරීමට නියමිතය. 

 

දිය කැපීමෙන් පසු පෙරහැර කරඩුව මහනුවර අස්ගිරිය ගෙඩිගේ පුරාණ විහාරයේ තැම්පත් කරයි. අනතුරුව අගෝස්තු 08 වන දින දහවල් පෙරහැර වීදි සංචාරය කිරීමෙන් අනතුරුව මෙවර වාර්ෂික ඇසල පෙරහැර මංගල්‍ය නිමාවට පත්වේ.

 

පෙරහැර සාර්ථකව නිමාවට පත් කළ බව සඳහන් පෙරහැර සන්දේශය දියවඩන නිලමේ ප්‍රදීප් නිලංග දෑල මහතා විසින් මහනුවර ජනාධිපති මන්දිරයේදී  ජනාධිපති මෛත්‍රීපාල සිරිසේන මහතා වෙත භාරදීමෙන් අනතුරව පෙරහැර මංගල්‍ය නිල වශයෙන් නිමාවට පත්වේ.

 

නුවර නදීක දයා බණ්ඩාර

 

[youtube height="325" width="560" align="left|right|none"]http://www.youtube.com/watch?v=1To_ucLmwN4&feature=youtu.be[/youtube]