මහත් සේ මල් වෙඩි දමා පෙරහැරේ යෑමට අලියෙක් ගෙන, ඌව පාලනය කළ හැකි හෙණ්ඩුවක් ගැනීමට නොහැකි යහපාලන ආණ්ඩුවක්. මේක පුදුම යහපාලනයක්. පසුගිය ...
මහත් සේ මල් වෙඩි දමා පෙරහැරේ යෑමට අලියෙක් ගෙන, ඌව පාලනය කළ හැකි හෙණ්ඩුවක් ගැනීමට නොහැකි යහපාලන ආණ්ඩුවක්. මේක පුදුම යහපාලනයක්.
පසුගිය කැබිනට් මණ්ඩලයට මේ පනත ඉදිරිපත් වී තිබෙන නමුත් කිහිප දෙනකුගේ ඉල්ලීම මත මෙය කල් දමා තිබේ. විගණන පනත සම්මත කිරීම පසු පසට ඇද දමන්නෙ, හැට දෙලක්ෂයක් ජනතාව සිය ඡන්ද බලයෙන් පාර්ලිමේන්තුවට යැවූ සමහර ‘පකිස් බූරු’ මැති ඇමැතිවරුන්මයි.
මෙවැනි වතාවරණයක් යටතේ දැන් තවත් අය හැට දෙලක්ෂයක් ජනතාව නැවැතත් මහ පාරට කැද වමින් සිටී. ඒ තමන් දුර දිග නොසිතා බලයට පත් කළ මිනිසුන්ගෙන් වැඩ කර ගැනීමට බව ඔවුන් කියයි. එම විරෝධතාවයට මුදල් ඇමැති මංගල සමරවීර මහතාද එක් විය. එයින් කියැවෙන්නෙ හැට දෙලක්ෂයක් ජනතාව අංශක එකසිය අසූවක් කැරැක වී නැවැතත් මුල් තැනටම පැමිණි ඇති බව නොවේද?
නියමුවාගේ වැඩ කටයුතු අඩාල කොට වසරකටත් වැඩිය
නව රජය බලයට පත් කළ දෙස්, විදෙස් අති මහත් ජනතාවගේ බලාපොරොත්තුව වූයේ යහපාලනයමයි. යහපාලනයේ බලවත්ම සටන් පාඨය වන්නෙ වංචා සහ දූෂණ වලින් තොර ශී‍්‍ර ලංකාවක් ගොඩ නැගීමයි. එම ගමනේදී විගණන කොමිෂන් සභාව එහි නියමුවා වෙයි. නියමුවාගේ වැඩ කටයුතු අඩාල කොට වසරකටත් වැඩිය.
නව විගණන පනත යටතේ පැවරීමට යෝජිත විගණකාධිපති බලතල සීමා කිරීම සඳහා කැබිනට් ඇමතිවරුන් සැලසුම් කරන බවට දැන් පුවත් පල වෙමින් තිබේ.රාජ්‍ය දේපොළ වලට අලාභ හානී සිදු කරන්නන්ට එම ක්‍රියා පිළිබඳ පෞද්ගලිකව වගකීම පැවරීම සඳහා ජාතික විගණන පනත යටතේ විගණකාධිපතිවරයාට බලතල පැවරේ. එම බලතල සීමා කිරීමට මොවුන් කල්පනා කරයි. රාජ්‍ය විගණනය දුර්වල වීමේ වාසිය තිබෙන්නේ දුෂිතයින්ටයි.
එවැන්නෙකුට පසු ගිය දා සිය අමාත්‍ය ධූරය හැර යන්නට සිදු විය.
විගණකාධිපති බලතල සීමා කිරීමට උවමනාව ඇත්තෙ පාර්ලිමේන්තු සළු පිළි පටලවා ගත් එවැනි කම්බා හොරුන්ට මිස රටේ ජනතාවට නොවේ.
හැට දෙලක්ෂයක් ජනතාව යහපාලන රජයක් පිහිටුවා ගත්තෙ කම්බා හොරුන්ගේ මන දොළ සැපිරීමට නොව තමන් වැටී සිටින අග හිගකම් ගොන්නෙන් නිදහස් වීමටයි.
මේ රටේ සිය දෙනෙකුගෙන් හතළිස් තුන් දෙනෙක්ම දවසට රුපියල් 300ක වත් ආදායමක් නැති අයයි. තමන් බලයේ සිටින්නෙ දහසක් බලාපොරොත්තු සහගත මෙවන් මිනිසුන්ගේ රුධිරයවන් ඡන්දයෙන් බව කවුරු කවුරුත් සිතා ගැනීම යහපත්ය.
මන්ද අහිමි වීමට කිසිවක් නැති මිනිසුන්ට රැක ගැනීමටත් කිසිවක් නැති බව වැටැහී ගියහොත් ඇතිවෙන ප‍්‍රතිවිපාක රටට හිතකර නොවෙනු ඇත. ඒ නිසා,
දූෂිතයින්ට දඩුවම් දෙනු !
විගණන පනත සම්මත කරනු !
යැයි පළමු පෙරමුණ ආණ්ඩුවට බල කර සිටී.
රණවීර පතිරණ
ප‍්‍රධාන ලේකම්
පළමු පෙරමුණ
COMMENTS