විශේෂත්වය වන්නේ වෛද්‍ය සංගමයේ බහුතරයක් නිළධාරීන්ද එම අවස්ථාවට සභාගි නොවීමයි. එම සංගමයේ ප්‍රධානීන් නියෝජනය කරමින් විරෝධතාවය සඳහා සහභාගි වී...
විශේෂත්වය වන්නේ වෛද්‍ය සංගමයේ බහුතරයක් නිළධාරීන්ද එම අවස්ථාවට සභාගි නොවීමයි. එම සංගමයේ ප්‍රධානීන් නියෝජනය කරමින් විරෝධතාවය සඳහා සහභාගි වී සිටියේ නවීන් ද සොයිසා වෛද්‍යවරයා පමණි.
ජනතා විමුක්ති පෙරමුණ, පෙරටුගාමී සමාජවාදී පක්ෂය ඇතුළු සංවිධාන රැසකින් පිරිස සහභාගි වී සිටියද වෛද්‍යවරුන් නොමැතිවීම නිසා එම සංවිධානවල නියෝජිතයන් ද මේ වනවිට කළකිරීමට පත්ව සිටී.
රජයේ වෛද්‍ය නිලධාරීන්ගේ සංගමයේ අභ්‍යන්තර ආරංචි මාර්ග පවසන්නේ මේ වනවිට සයිටම් විරෝධය ජවිපෙ හා පෙසප යන පක්ෂ විසින් තම දේශපාලන න්‍යාය පත්‍රවලට ලඝුකර ඇති බවට එම සංගමය විශ්වාස කරන බවයි. ඒ අනුව මේ වනවිට වෛද්‍ය සංගමය කළකිරීමට පත්ව ඇති අතර එය තවත් හේතුවක් වී ඇත්තේ වෛද්‍යවරුන් බහුතරයක් දිගින් දිගටම විරෝධතා හා වැඩවර්ජනවල නිරතවීමට එකඟ නොවීමයි.
දේශපාලන පක්ෂ විසින් සයිටම් ගැටලුව සිය දේශපාලන න්‍යාය පත්‍රවලට අනුව හැසිරවීමට උත්සාහ කිරීම නිසා තවදුරටත් එම පක්ෂ සමග එක්ව කටයුතු කිරීමෙන් වෛද්‍යවරුන්ට ද දේශපාලන ලේබල් ඇලවෙනු ඇති බවයි වෛද්‍යවරුන් පවසන්නේ. තම වෘත්තීය ප්‍රශ්න හේතුවෙන් දේශපාලන ලේබල් අලවාගැනීමට අකමැති වෛද්‍යවරුන් බහුතරයක් මෙම විරෝධතාවයට එක්වීම ප්‍රතික්ෂේප කර ඇති අතර මේ දැන් වෛද්‍ය සංගමය තුළ බරපතල ගැටලුවක් බවට පත්ව තිබේ.
වෛද්‍ය සංගමයේ සභාපති අනුරුද්ධ පාදෙනිය මහතා කලින් දැඩි සයිටම් විරෝධී ස්ථාවරයක් දැරුවද වර්තමානයේදී එම විරෝධය මොට වී ඇති අතර ඔහු අවස්ථා කිහිපයකදී රජය සමග එකඟතාවයකට පැමිණීමට උත්සාහ කර තිබේ.
COMMENTS