Hot!

පාන්කිරිත්තී - මල්ලිකා එම්. බණ්ඩාර​

පාන්කිරිත්තී - මල්ලිකා එම්. බණ්ඩාර​

වාන්දමන හිත කාන්සියේ හිඳ​
හීන්සීරුවට නොතළල්ලා
තෝන්තුවාවෙන් ඉන්න වෙලාවට
දොඩමළු ඒ හිත නිවපල්ලා

ජෝඩු දමා එන පාන්කිරිත්තා
වෙලේ කොටනවද අද ඒ ඇත්තා
හිතාමතා මඟ ඇර ඇවිදින්දෝ
දිරච්ච​ අත්තේ උඹ ඉඳගත්තා

පැටවුන් දෙන්නට අඬහැර දීපන්
කඹේ නටන්නට අවසර දීපන්
උන්ගෙ අපුච්චාටත් අඬගාපන්
රබාන ඇරගෙන සුරල වයාපන්
හතර දෙනයි අපි ආවෙ කියාපන්
හතරදෙනා මට ලකුණක් දීපන්

0 comments:

Post a Comment