වසර දෙකකටත් වැඩි කාලයක් ගතවුවත් ආර්ථිකයේ සමබරතාව ඇති කර ගැනීමට ආණ්ඩුවට හැකියාවක් නොමැති වීම නිසා ඊට සමාන්තරව ප්‍රශ්න ගණනාවක් ඇතිව තිබෙන බව...
වසර දෙකකටත් වැඩි කාලයක් ගතවුවත් ආර්ථිකයේ සමබරතාව ඇති කර ගැනීමට ආණ්ඩුවට හැකියාවක් නොමැති වීම නිසා ඊට සමාන්තරව ප්‍රශ්න ගණනාවක් ඇතිව තිබෙන බව ජනාධිපති සම්බන්ධිකරණ ලේකම් නීතිඥ ශිරාල් ලක්තිලක මහතා පවසයි.
වර්තමානයේ ආණ්ඩුව මුහුණ දී තිබෙන ප්‍රශ්න ගැටලු ගැන සහ ආණ්ඩුවට එල්ල වන චෝදනා පිළිබඳවත් අප සමග ශිරාල් ලක්තිලක මහතා කළ විශේෂ සම්මුඛ සාකච්ඡාවකදී මෙම කරුණු හෙළිවිය.
2015 ජනවාරි 08 වැනිදා පරාජිත දේශපාලන පක්ෂ මතවාදීව පරාජය කිරීමට නොහැකි වීම ආණ්ඩුවේ දුර්වලතාවයක් බව පෙන්වා දුන් ශිරාල් ලක්තිලක මහතා අදටත්, 2020 වර්ෂයේදීත් හිටපු ජනපති මහින්ද රාජපක්ෂ මහතා ප්රමුඛ ඒකාබද්ධ විපක්ෂයට මැතිවරණය ජයග්‍රහණය කළ නොහැකි බවත් කියා සිටියේය.
2020 වසරේදී පැවැත්වෙන මැතිවරණයේදී සියයට 60ක සිංහල බෞද්ධ ඡන්ද ගැනීමට මහින්ද රාජපක්ෂ මහතා තවමත් සිහින දකින බවත් එම සිහිනය 2020දී ඉටු නොවන බැවින් මහින්ද රාජපක්ෂ මහතාගේ ආණ්ඩුවක් පිහිටුවීමට කිසිදු ඉඩකඩක් නොමැති බවත් ඔහු අවධාරණය කළේය.
ඒෂියන් මිරර් වෙබ් අඩවිය සමග කළ සම්මුඛ සාකච්ඡාවේ වීඩියෝව පහතින්,
COMMENTS