ඒ මෙතෙක් දේශීය ආදායම් දෙපාර්තමේන්තුවේ කොමසාරිස් ජනරාල්ධුරය හෙබවූ කල්‍යාණි දසනායක පසුගිය ජුනි 22 වනදා රාජ්‍ය සේවයෙන් විශ්‍රාම යාම හේතුවෙන්...
ඒ මෙතෙක් දේශීය ආදායම් දෙපාර්තමේන්තුවේ කොමසාරිස් ජනරාල්ධුරය හෙබවූ කල්‍යාණි දසනායක පසුගිය ජුනි 22 වනදා රාජ්‍ය සේවයෙන් විශ්‍රාම යාම හේතුවෙන් ජුනි 22 වනදා සිට බලපැවැත්වෙන පරිදි එම තනතුරේ රාජකාරි කටයුතු සිදුකිරීම සඳහාය.
ඒ අනුව අයිවන් දිසානායක මහතාගේ පත්වීම අමාත්‍ය මණ්ඩලයේ ආවරණ අනුමැතියට යටත්ව වැඩ බලන පදනමින් සිදුකර ඇති අතර ඒ බව මේ වන විට මුදල් අමාත්‍යංශ ලේකම්වරයා ලිඛිතව නිවේදනය කර ඇත.
රජයේ ආරංචිමාර්ග වැඩිදුරටත් සඳහන් කරන ආකාරයට දේශීය ආදායම් දෙපාර්තමේන්තුව සඳහා නව කොමසාරිස් ජනරාල්වරයෙකු පත්කිරීමේදී අනුගමනය කළ යුතු නියමිත පටිපාටිය වන්නේ දේශීය ආදායම් සේවයේ විශේෂ ශ්‍රේණියේ ජේඨතම නිලධාරියා හෝ නිලධාරිනිය ඒ සඳහා පත්කිරීමය. ඒ පිළිබඳ නිකුත් වූ නිල ලියවිල්ලක් 2015 ජුනි මාසයේ අමාත්‍යමණ්ඩලය විසින් අනුමත කර ඇත. එසේම දේශීය ආදායම් දෙපාර්තමේන්තුවේ සේවා ව්‍යවස්ථාව අනුවද කොමසාරිස් ජනරාල්වරයා පත්විය යුතු වන්නේ ජේෂ්ඨත්වය පදනම් කරගෙනය.
ඒ අනුව මේ වන විට දේශීය ආදායම් සේවයේ විශේෂ ශ්‍රේණියේ සිටින ජේෂ්ටතම නිලධාරිනිය වන්නේ වසන්ති මංචනායක මහත්මියයි. එම මහත්මිය 2014 වසරේ එවකට පවතී ආණ්ඩුව සමයේද දේශීය ආදායම් දෙපාර්තමේන්තුවේ කොමසාරිස් ජනරාල් ලෙස කටයුතු සිදුකල නමුත් පසුව සිදුවූ ආණ්ඩු පෙරළියෙන් පසුව එම තනතුර සඳහා කල්‍යාණි දසනායක පත්කරනු ලැබීය.
කාශ්‍යප කොතලාවල
COMMENTS