කරදියානේ පරිසරයට හානි වන නිසා ගාමිණි ලොකුගේ ඇතුළු පිරිස කුණු ලොරි හරවා යවති

කරදියානේ පරිසරයට හානි වන නිසා ගාමිණි ලොකුගේ ඇතුළු පිරිස කුණු ලොරි හරවා යවති මීතොටමුල්ලේ කුණු කන්ද පිළිබඳ ඇතිවූ ප්‍රශ්නය හමුවේ මේ වනවිට...

ලසන්ත ඝාතනය වසන් කළැයි චෝදනා ලැබූවෝ එකිනෙකා පාවා දෙන්න සුදානම්.

පවුල් වාදයට තිත තියන්න ගිය දුමින්දට, ශ්‍රිලනිප ආසන සංවිධායකවරුන්ගේ අප්‍රසාදය.

ටෙලිකොම්, සහෝදර පාලනයට එරෙහිව යහපාලනය දෝතට ගන්න.

කරදියානේ පරිසරයට හානි වන නිසා
ගාමිණි ලොකුගේ ඇතුළු පිරිස කුණු ලොරි හරවා යවති


මීතොටමුල්ලේ කුණු කන්ද පිළිබඳ ඇතිවූ ප්‍රශ්නය හමුවේ මේ වනවිට කොළඹ කුණු දමන්නට තැනක් නැතිව ආණ්ඩඅවු අසරණ තත්වයකට පත්ව ඇත.
කොළඹ එකතු වන කුණු කසල වලින් ටොන් 350ක් පමණක් පිලියන්දල, කරදියාන කසළ අංගනයට බැහැර කිරීමට
අධිකරණයෙන් ලද අවසරය මත ඊයේ එම කසල ලොරි අදාළ ස්ථානයට ගෙන ගියත් එයින් කොටසක් පමණක් බා අවසන් වූ පසු ඉතිරි කොටස බාන්නට ඉඩ නොදෙමින් දේශපාලනඥ ගාමිණී ලොකුගේ ඇතුළු පිරිස් උද්ඝෝෂණයක නිරතවූ අතර ඒ නිසා නැවත එම ලොරි ආපසු හරවා යවා තිබේ.
මීතොටමුල්ල

සිදුවූ හදිසි ආපදා තත්ත්වය හේතුවෙන් මීතොටමුල්ලට කුණු කසල බැහැර කිරිම නතර කළ අතර පෙරේදා (18) කරදියානට කසළ අංගනයට බැහැර කිරිමට කැස්බෑව මහේස්ත්‍රාත් අධිකරණයෙන් නියෝගයක් ලබා දීම හේතුවෙන් ඊයේ (19) කරදියානට කසළ එක්රැස් කිරිම ආරම්භ කළත් වේරහැර ගංගාරාම විහාරස්ථානයේ සිට කරදියාන කුණු කසළ අංගනය දක්වා මහජනයා දහස් ගණනින් එක් වූ පෙළපාළියක් ගමන් ගෙන දැක්වූ විරෝධතාව හේතුවෙන් කසළ බැහැර කිරිම තාවකාලිකව නතර කිරිමට සිදු විය.

මේ උද්ඝෝෂණය සඳහා ප්‍රදේශවාසින් සමග කොළඹ දිස්ත්‍රික් පාර්ලිමේන්තු මන්ත්‍රි ගාමිණි ලොකුගේ ,පළාත් සභා මන්ත්‍රි ලක්ෂ්මන් නිපුණආරච්චි,හිටපු බොරලැස්ගමුව නගරාධිපති අරුණ ප්‍රියශාන්ත ඇතුලු දේශපාලන ක්ෂේත්‍රෙය් පක්ෂ විපක්ෂ මන්ත්‍රිවරුන් විශාල ප්‍රමාණයක් මෙන්ම පරිසර සවිධානද එක්ව සිටියහ.
මේ අවස්ථාවේ සාමය ආරක්ෂා කිරිම උදෙසා බොරලැස්ගමුව සහ පිළියන්දල පොලිස් ස්ථානවල ස්ථානාධිපතිවරුන්ද පැමිණ තිබිණි.

‘අපට හුස්ම ගැනීමේ අයිතිය ලබාදෙන්න‘, කරදියාන තවත් මීතොටමුල්ලක් කරන්න එපා‘ ආදී පුවරු රැසක් ඔවුන් අත තිබිණි.උද්ගතව තිබෙන හදිසි තත්වය මත මේ ආකාරයට කසල බැහැර කිරීම සිදු කළත් එය කරදියානේ පරිසරයට හානියක් නිසා උදව්වක් ලෙසවත් කුණු දාන්න දෙන්න බැහැ යන්න ඔවුනගේ මතය විය.
අධිකරණ නියෝගය ප්‍රකාරව මෙට්‍රික් ටොන් 222 ක පමණ කුණු එහි බැහැර කරන්නට ඉඩ ලැබුණත් ඇති වූ නොසන්සුන් කාරි තත්ත්වය හේතවෙන් ඉතිරි කුණු කසළ මේ ස්ථානයට බැහැර කිරිම තාවකාලිකව නතර කර ඇති බව කරදියාන කසළ අංගනයේ ව්‍යාපෘති කළමණාකරු ධනුක විජේරත්න මහතා දන්වා සිටියේය.