ගල්කිස්‌ස අධිකරණ ශාලවට ගිනි අවි ගෙනා ඉලක්‌කය පාතාල නායක රොහාද ? පාතාල නායකයකු බව කියන ගොනා කෝවිලේ රොහා නමැත්තා වෙඩි තබා ඝාතනය කිරීමට ර...
ගල්කිස්‌ස අධිකරණ ශාලවට ගිනි අවි ගෙනා
ඉලක්‌කය පාතාල නායක රොහාද ?
පාතාල නායකයකු බව කියන ගොනා කෝවිලේ රොහා නමැත්තා වෙඩි තබා ඝාතනය කිරීමට රැගෙන ආ බවට සැකකරන ගිනි අවි දෙකක්‌ ගල්කිස්‌ස අධිකරණ ශාලාව තුළ සඟවා තිබියදී පොලිසිය මගින් ඊයේ (01 වැනිදා) දහවල් සොයාගෙන ඇත.සොයා ගත් ආයුධ අතර මි.මී. 9 වර්ගයේ පිස්‌තෝලයක්‌ සහ රිවෝල්වරයක්‌ ඇති අතර, මෙම අවි දෙකේම ජීව උණ්‌ඩ පුරවා
වෙඩි තැබීමට සූදානම් කර තිබූ බව පොලිසිය පවසයි.
මෙම අවි සොයා ගැනීමත් සමගම පොලිසිය ක්‍ෂ්ණික මෙහෙයුමක්‌ ක්රියාත්මක කර ඇති අතර එහිදී සැකකටයුතු පුද්ගලයන් සිව් දෙනකු අත්අඩංගුවට ගැනීමට හැකි විය.
ගල්කිස්‌ස පාතාලයේ නායකයා බව කියන හැරල්ඩ් රෝහණ ද සිල්වා
මොහු එක්‌ නඩුවකට ඉදිරිපත් කර අනිත් නඩුව සඳහා කැඳවන තුරු සිර මැදිරියක රඳවා සිටියදී අධිකරණ ශාලාවේ තිබී මෙම අවි දෙක සොයා ගෙන තිබේ.
මීට මාස කීපයකට පෙර සොරා ගන්නා ලද වාහනයක්‌ අත්අඩංගුවට ගැනීමට ගිය උප පොලිස්‌ පරීක්‍ෂකවරයකු කුරුණෑගල හෝටලයකදී වෙඩි තබා ඝාතනය කර තිබුණේ රොහා විසිනි.
මෙම සිද්ධියෙන් පසු පලා යමින් සිටි රොහා පොලිස්‌ අත්අඩංගුවට පත් විය. මහර අධිකරණ ඉදිරිපිටදී ලංසියා නමැති පාතාල නායකයා වෙඩි තබා ඝාතනය කරනු ලැබුවේද රොහා විසින් බව හෙළි වී තිබිණි.
ලංසියාගේ පාතාල කල්ලියේ සාමාජිකයන් විසින් රොහා ඝාතනය කිරීමට මෙම ගිනි අවි රැගෙන එන්නට ඇතැයි පොලිසිය සැක කරයි.
රොහා ඝාතනය කිරීමට ලංසියාගේ කල්ලිය උත්සාහ කරන බවට ලැබී තිබූ තොරතුරු මත පොලිසිය පසුගිය 28 දා පෙරවරුවේ සිට ගල්කිස්‌ස ප්‍රදේශයේද අධිකරණය හා ඒ අවට ප්‍රදේශයේද දැඩි ආරක්‍ෂාවක්‌ යොදා තිබුණි.
අධිකරණයට පැමිණෙන සියලුම පුද්ගලයන් දැඩි පරීක්‍ෂාවට ලක්‌ කිරීමට කටයුතු කළ බව ජ්‍යෙෂ්ඨ නිලධාරියෙක්‌ පැවසීය.
අධිකරණ ශාලාව අසල තාප්පයෙන් හෝ කාණුවක්‌ හරහා ඇතුළු වූ පුද්ගලයකු මෙම අවි රැගෙන එන්නට ඇති බව පොලිසිය පවසයි.
නියෝජ්‍ය පොලිස්‌පති වසන්ත වික්‍රමසිංහ, ජ්‍යෙෂ්ඨ පොලිස්‌ අධිකාරී චන්දන ගලප්පත්ති යන මහත්වරුන්ගේ අධීක්‍ෂණයෙන් මේ පිළිබඳව වැඩිදුර පරීක්‍ෂණ පැවැත්වේ.
හේමන්ත රන්දුණු
COMMENTS