අලූත් ආණ්ඩු හැදීමට නොව තිබෙන ආණ්ඩුව සමග එක්ව රට ගොඩනැගීමට කැපවීම සියලූදෙනාගේ යුතුකම බව ජනාධිපති මෛත්‍රීපාල සිරිසේන මහතා පවසයි. දුගී භාවය...
අලූත් ආණ්ඩු හැදීමට නොව තිබෙන ආණ්ඩුව සමග එක්ව රට ගොඩනැගීමට කැපවීම සියලූදෙනාගේ යුතුකම බව ජනාධිපති මෛත්‍රීපාල සිරිසේන මහතා පවසයි.
දුගී භාවයෙන් රට නිදහස් කර ගැනීමට රජය කි‍්‍රයාත්මක කර ඇති දැවැන්ත වැඩපිළිවෙළ සමග එක්ව යුගයේ වගකීම ඉටු කරන ලෙස තමා සියලූදෙනාට ආරාධනා කරන බව ද ඊයේ (08) කොළඹ බණ්ඩාරනායක ජාත්‍යන්තර සම්මන්ත‍්‍රණ ශාලාවේ පැවති තිරසර යුගයක - තෙවසර ඇරඹුම, ප‍්‍රධාන උත්සවය අමතමින් ජනාධිපතිවරයා පැවසී ය.
2017 වසරේ රට දුගී භාවයෙන් නිදහස් කර ගැනීමේ ප‍්‍රධාන ව්‍යාපෘතිය ලෙස ‘ග‍්‍රාම ශක්ති ජාතික ව්‍යාපාරය‘ මේ මාසයේ සිට ආරම්භ කරන බව ප‍්‍රකාශ කළ ජනාධිපතිවරයා කෘෂිකර්මාන්තයේ සහ වාරිමාර්ග ක්ෂේත‍්‍රයේ පුළුල් පෙරළියක් සිදු කරමින් නව වැඩපිළිවෙළ රැසක් ද කි‍්‍රයාවට නංවන බවද කියා සිටියේය.
ඇතැම් පිරිස් පසුගිය රජයේ සහ මෙම රජයේ සංවර්ධන වෙනස පිළිබද කථා කරමින් රජයට ඇඟිල්ල දිගු කළ ද එදා දුටු සුන්දර මහා සංවර්ධනයේ ප‍්‍රතිඵලයක් ලෙස රුපියල් කෝටි නව ලක්ෂයක ණය බරක් රටට උරුම වී ඇති බව පැවසූ ජනාධිපතිවරයා තවදුරටත් අපට අවශ්‍ය වන්නේ එම සැලෝලයිඞ් ලෝකයද, ජාතික ආර්ථිකයේ යථාර්තය තේරුම් ගෙන රට ගොඩනැගීමට සියලූදෙනා එක්වීම ද යන්න ජනතාව අවබෝධකරගත යුතු බවද ප‍්‍රකාශ කළේය.
යහපත උදෙසා තීන්දු තීරණ ගන්නවා සේම අනාගත බලය පිළිබඳ සිහින දකිමින් ආණ්ඩු පෙරළීමට කිසිදු ඉඩක් නොතබන බව ප‍්‍රකාශ කළ ජනාධිපතිවරයා යහපාලන රජය යහපාලන ප‍්‍රතිපත්තිවලට ගරු කරමින් ශක්තිමත් රජයක් ලෙස ඉදිරියට ගමන් කරන බවත් ආර්ථික වශයෙන් සමෘද්ධිමත් වූ ශී‍්‍ර ලංකාවක් ගොඩනැගීමට වත්මන් රජයට ඒකාන්තයෙන්ම හැකියාව තිබෙන බවත් කියා සිටියේය.
සෞභාග්‍යමත් දේශයක් බිහිකරණු වස් ඉදිරි තෙවසර තුළ රජයේ සංවර්ධන සැලසුම් සහ තිරසර සංවර්ධන ඉලක්ක සපුරා ගැනීමේ වැඩපිළිවෙළ කි‍්‍රයාවට නංවමින් ජනාධිපති මෛතී‍්‍රපාල සිරිසේන මහතාගේ සංකල්පයක් මත තිරසර යුගයක - තෙවසර ඇරඹුම ජාතික වැඩසටහන කි‍්‍රයාත්මකය.
උත්සවයේ විශේෂ දේශනය සැමට සෞභාග්‍යය මැයෙන් ඉන්දියාවේ ආන්ද්‍රා ප‍්‍රදේශයේ ප‍්‍රධාන අමාත්‍ය ශී‍්‍ර චන්ද්‍රබාබු නයිදු මහතා විසින් සිදුකළේය.
COMMENTS