ජනපති අද තායිලන්ත අගමැති හමුවෙයි

තායිලන්තයේ පැවැත්වෙන දෙවන ආසියානු සහයෝගීතා සංවාද සමුළුවට සහභාගිවීමට එහි ගිය ජනාධිපති මෛත්‍රීපාල සිරිසේන මහතා අද (08) තායිලන්ත අග්‍රාමාත්‍ය...

තායිලන්තයේ පැවැත්වෙන දෙවන ආසියානු සහයෝගීතා සංවාද සමුළුවට සහභාගිවීමට එහි ගිය ජනාධිපති මෛත්‍රීපාල සිරිසේන මහතා අද (08) තායිලන්ත අග්‍රාමාත්‍යවරයා මුණ ගැසීමට නියමිතය.

ආසියානු කලාපයට පොදුවේ බලපාන ගැටළු සම්බන්ධයෙන් සාකච්ඡා කෙරෙන ආසියානු සහයෝගීතා සමුළුවට රටවල් 34ක් සහභාගී වන අතර, එය අද සිට අනිද්දා (10) දක්වා පැවැත්වේ.

විද්‍යා සහ තාක්ෂණ, අධ්‍යාපන, ආහාර සුරක්ෂිතතාව, බලශක්තිය සහ ජලය, සංස්කෘතික හා සංචාරක, තිරසාර සංවර්ධන ආදී ක්ෂේත්‍රයන් 20ක් ඔස්සේ සබඳතා ගොඩනගා ගැනීම ආසියානු සහයෝගීතා සංවාද සමුළුවේ අරමුණයි.

ජනාධිපති මාධ්‍ය අංශය සඳහන් කළ පරිදි හෙට (09) දිනයේදී ජනාධිපති මෛත්‍රීපාල සිරිසේන මහතා මෙම සමුළුව අැමතීමට නියමිතය.

එසේම ජනාධිපතිවරයා තායිලන්ත ජනපතිවරයා සමඟ ද ද්වි පාර්ශවික සාකච්ඡාවල නිරත වන බව සදහන් වේ.