රජයේ මුද්‍රණ දෙපාර්තමේන්තුවට වායු සමීකරණ යන්ත‍්‍ර 51ක් මිලදී ගැනීමේදී මිලියන 7.6ක දුෂණ කි‍්‍රයාවක් සිදුවූ බවට අල්ලස් හෝ දූෂණ චෝදනා විමර්ශන...
රජයේ මුද්‍රණ දෙපාර්තමේන්තුවට වායු සමීකරණ යන්ත‍්‍ර 51ක් මිලදී ගැනීමේදී මිලියන 7.6ක දුෂණ කි‍්‍රයාවක් සිදුවූ බවට අල්ලස් හෝ දූෂණ චෝදනා විමර්ශන කොමිෂන් සභාවට කරන ලද පැමිණිල්ලට අදාලව ප‍්‍රකාශයක් ලබාදීම සඳහා ලබන 14 වනදා පෙ.ව. 8.30 ට කොමිෂන් සභාවට පැමිණෙන ලෙස දන්වා ඇතැයි රජයේ මුද්‍රණ සේවකයින්ගේ සංගමය පවසයි.
එම සංගමය නිවේදනයක් නිකුත් කරමින් සඳහන් කරන්නේ 2015-05-26 දින කරන ලද පැමිණිල්ලට අදාල ප‍්‍රකාශයක් සටන් කර ගැනීමට වසරකට අධික කාලයක් ගත වී ඇති බවත් කඩිනමින් කටයුතු කිරීමේ හැකියාවක් තිබුනේනම් මේවනවිට දඩුවම් ලබාදිය යුතුව තිබූ කාලයක් බවත්ය.
එම නිවේදනය පහතින්,
රජයේ මුද්‍රණ දෙපාර්තමේන්තුවට වායු සමීකරණ යන්ත‍්‍ර 51 ක් මිලදී ගැනීමේදී මිලියන 7.6ක දුෂණය
රජයේ මුද්‍රණ දෙපාර්තමේන්තුවට වායු සමීකරණ යන්ත‍්‍ර 51ක් මිලදී ගැනීමේදී මිලියන 7.6 ක දුෂණ කි‍්‍රයාවක් සිදුවූ බවට 2015-05-26 දින අල්ලස් හෝ දූෂණ චෝදනා විමර්ශන කොමිෂන් සභාවට කරන ලද පැමිණිල්ලට අදාලව ප‍්‍රකාශයක් ලබාදීම සඳහා 2016-10-14 දින පෙ.ව. 8.30 ට කොමිෂන් සභාවට පැමිණෙන ලෙස දන්වා ඇත.
2015-05-26 දින කරන ලද පැමිණිල්ලට අදාල ප‍්‍රකාශයක් සටන් කර ගැනීමට වසරකට අධික කාලයක් ගත වී ඇති අතර කඩිනමින් කටයුතු කිරීමේ හැකියාවක් තිබුනේනම් මේවනවිට දඩුවම් ලබාදිය යුතුව තිබූ කාලයකි. එසේ වුවත් මෙසේ පරීක්ෂණ පවත්වාගෙන යාම පිළිබඳව අපි සතුටු වන්නෙමු.
මේ සම්බන්ධයෙන් විගණකාධිපති දෙපාර්තමේන්තුව විසින් ඉදිරිපත් කර ඇති විගණන විමසුමෙන්ද කරුණු 13කට අධික සංඛ්‍යාවක් සඳහන් කරමින් කියා ඇත්තේ මෙම ගනුදෙනුව අනුව එකී නිලධාරීන්ට දඩුවම් ලැබිය හැකි වරදක් සිදු කර තිබෙන බවය.
නමුත් මේ විගණන විමසුම සම්බන්ධයෙන්, පාර්ලිමේන්තු හා ජනමාධ්‍ය අමාත්‍යාංශයට පැවරී ඇති වගකීම අනුව කඩිනමින් පියවර ගන්නේනම් මේවනවිට පරීක්ෂණ අවසන් කර අවශ්‍ය නීති පියවර ගැනීමට තිබුණත්, එසේ නොකර සිටින්නේ එම නිලධාරීන් හා අමාත්‍යංශයේ බලධාරීන් අතර ඩීල් එකක් පවතින්නේද යන්න හෝ නොහැකියාව අනුව ද යන්න සේවකයින්ගේ සැකයක් පවතින බවය.
කේ. සරත් ලාල් පෙරේරා
ප‍්‍රධාන ලේකම්
COMMENTS