මහජන බැංකුවේ සභාපති හේමසිරි ප්‍රනාන්දු, ලංකා බැංකු සභාපති රෝලන්ඩ් පෙරේරා, ඇතුළු රාජ්‍ය ආයතන ප්‍රධානීන් 54කගේ තනතුරු සඳහා අනුමැතිය ගැනීමට උ...
මහජන බැංකුවේ සභාපති හේමසිරි ප්‍රනාන්දු, ලංකා බැංකු සභාපති රෝලන්ඩ් පෙරේරා, ඇතුළු රාජ්‍ය ආයතන ප්‍රධානීන් 54කගේ තනතුරු සඳහා අනුමැතිය ගැනීමට උසස් නිලතල පිළිබඳ පාර්ලිමේන්තු කාරක සභාව වෙත නාම ලේඛනයක් ඉදිරිපත්ව ඇත.
යහපාලන ජාතික රජය බලයට පත්වීමෙන් පසුව රාජ්‍ය ආයතන ප්‍රධානීන් වැඩිම ප්‍රමාණයක නාම ලේඛනයක් උසස් නිලතල පිළිබඳ කාරක සභාව වෙත යොමු වූ පළමු අවස්ථාව මෙය වේ.
උසස් නිලතල පිළිබඳ කාරක සභා අනුමැතිය සඳහා ඉදිරිපත්ව ඇති ඇතැම් ආයතන ප්‍රධානීන්ගේ ක්‍රියා කලාපය සම්බන්ධයෙන් ප්‍රශ්නකාරී තත්ත්වයක් පැන නැගී ඇති බැවින් මෙවර ඉදිරිපත් වූ නාම ලේඛනය පිළිබඳව අර්බුදකාරී තත්ත්වයක් හටගනු ඇතැයි පාර්ලිමේන්තු ආරංචි මාර්ග සඳහන් කරයි.
උසස් නිලතල පිළිබඳ කාරක සභාවට ඉදිරිපත්ව ඇති රජයේ ප්‍රබල ආයතනයක සභාපතිවරයකු සම්බන්ධයෙන් විරෝධතා ඉදිරිපත් කිරීමට මේ වන විට ප්‍රධාන දේශපාලන පක්ෂ දෙකක්, වෘත්තීය සමිති 4ක් සහ සිවිල් සංවිධාන කිහිපයක් කටයුතු කරමින් සිටින බවද වාර්තා වේ.
සංස්ථා සභාපතිවරුන්ට ඇති විරෝධතා මහ ලේකම ශ්‍රී ලංකා පාර්ලිමේන්තුව ශ්‍රී ජයවර්ධනපුර කෝට්ටේ යන ලිපිනයට එවිය හැකි බව සඳහන් වේ.
COMMENTS