ඉදිරි මැතිවරණවලදී ශ්‍රී ලංකා නිදහස් පක්ෂයට බහුතර බලයක් ලැබී නිදහස් පක්ෂ ආණ්ඩුවක් පිහිටුවනු ලැබුවද ඉන් එක්සත් ජාතික පක්ෂයට කිසිදු ගැටළුවක් ...
ඉදිරි මැතිවරණවලදී ශ්‍රී ලංකා නිදහස් පක්ෂයට බහුතර බලයක් ලැබී නිදහස් පක්ෂ ආණ්ඩුවක් පිහිටුවනු ලැබුවද ඉන් එක්සත් ජාතික පක්ෂයට කිසිදු ගැටළුවක් මතු නොවන බව විදේශ රැකියා කටයුතු ඇමතිනී තලතා අතුකෝරල මහත්මිය ප්‍රකාශ කරයි.
අමාත්‍යවරිය මේ බව ප්‍රකාශ කළේ ඊයේ (06) සිරිකොත පක්ෂ මූලස්ථානයේ පැවති මාධ්‍ය හමුවවකට එක්වෙමිනි.
ජනාධිපති මෛත්‍රීපාල සිරිසේන මහතා පසුගියදා පැවති ශ්‍රී ලංකා නිදහස් පක්ෂ සම්මේලනයේදී අදහස් දක්වමින් ඉදිරියේදී ශ්‍රී ලංකා නිදහස් පක්ෂ ආණ්ඩුවක් පිහිටුවන බවට කළ ප්‍රකාශය පිළිබඳව මාධ්‍යවේදියෙකු ඇගෙන් විමසා සිටි අවස්ථාවේ ඊට පිළිතුරු ලබාදෙමින් අමාත්‍යවරිය මේ බව කියාසිටියාය.
එයට පිළිතුරු දුන් අමාත්‍යවරිය," කිසිම ගැටළුවක් නෑ. ඒකෙදි දේශපාලන කුහකකම නෙවෙයි. තනතුරු තිබුණත් නැතත් රට යන්න ඕන තැනට රට යන්න ඕනි." යනුවෙන් කියාසිටියාය.
ඇය වැඩිදුරටත් සඳහන් කළේ මෙවැනි ආණ්ඩුවක් පිහිටවුවද එයත් ජාතික ආණ්ඩුවක් වන බවයි.
වීඩියෝව පහතින්.
COMMENTS