රටේ ආර්ථිකය පාලනය කිරීමට පෙර මුදල් ඇමතිවරයා පාලනය කරන්නැයි අගමැතිගෙන් හා ජනපතිගෙන් ඉල්ලා සිටින බව ශ්‍රී ලංකාවේ කොමියුනිස්ට් පක්ෂයේ නායක හි...
රටේ ආර්ථිකය පාලනය කිරීමට පෙර මුදල් ඇමතිවරයා පාලනය කරන්නැයි අගමැතිගෙන් හා ජනපතිගෙන් ඉල්ලා සිටින බව ශ්‍රී ලංකාවේ කොමියුනිස්ට් පක්ෂයේ නායක හිටපු අමාත්‍ය ඩිව් ගුණසේකර මහතා පවසයි.
ඔහු මේ බව පැවසූයේ ඊයේ (26) කොළඹ ඇන්.ඇම්.පෙරේරා මධ්‍යස්ථානයේ පැවති මාධ්‍ය හමුවකදීය.
රටේ ආර්ථිකය ගොඩගත නොහැකි නම් ආණ්ඩු කිරීමෙන් ඵලක් නැතැයිද ඒ මහතා සඳහන් කළේය.
‘මේ මුදල් ඇමැති දේශීය ආදායම් දෙපාර්තමේන්තුවේ අයට හමුවක් දෙන්නේ නැහැ. අපි ජනපතිවරයාගෙන් හා අගමැතිගෙන් ඉල්ලනවා මේ මුදල් ඇමැතිවරයා පාලනය කරන ලෙස. තමුන්නාන්සේලා ආර්ථිකය පාලනය කරන්න. මුදල් ඇමැතිවරයා කටයුතු කරන්නේ ධනපති ස්ථරයේ. රජයේ ආදායම ගොඩගන්න බැරිනම් ආණ්ඩු කරන්න බැහැ. මේවා වමේ අපි පහුගිය අවුරුදු දහයෙම කිව්වා තුට්ටු දෙකකට ගණන් ගත්තේ නැහැ. දැන් තියන ආණ්ඩුවත් එකයි කලින් ආණ්ඩුවත් එහෙමයි‘ යැයි හෙතෙම සඳහන් කළේය.
COMMENTS