නිවෙස් වල කසල වර්ග තුනට වෙන් කර බැහැර කිරීම අනිවාර්ය කෙරේ

ලබන නොවැම්බරයේ සිට දිරන / නොදිරන /ප්ලාස්ටික් නිවෙස් වල කසල වර්ග තුනට වෙන් කර බැහැර කිරීම අනිවාර්ය කෙරේ කොළඹ හා තදාසන්න ප්‍රදේශවල නගරසභ...

වැලිගම සංචාරක කර්මාන්තය ගොඩ ගන්න සාගල වැඩට බසී.

ශ්‍රී ලංකා මිරර්ට විශේෂිත සම්මානයක්.

සුදුවෑන් කල්ලි ගැන හිටපු STF සෙබළෙක් හෙළි කරයි.

ලබන නොවැම්බරයේ සිට
දිරන / නොදිරන /ප්ලාස්ටික්
නිවෙස් වල කසල වර්ග තුනට වෙන් කර බැහැර කිරීම අනිවාර්ය කෙරේ

කොළඹ හා තදාසන්න ප්‍රදේශවල නගරසභා මගින් නිවෙස් වල කැලිකසල ඉවත්කිරීමේදී මේ වනවිට කසළ වර්ගීකරණයක් අනුව එය සිදුකෙරේ.
 දින කිහිපයක්ම නිවෙස් වලට පැමිණ දිරන කසළ, නොදිරන කසළ සහ ප්ලාස්ටික් වීදුරු  ලෙස වෙන් කරන ලද කසල වර්ග 3 ක් ඉවත්කිරීම සිදු කරනු ලැබේ.
පළාත් සභා හා පළාත් පාලන අමාත්‍යාංශය මගින් මෙම වැඩපිළිවෙල හඳුන්වාදී තිබෙන අතර
එමගින් කසල ඉවත්කිරීමේදී වඩා පහසු බව ඔවුන් දන්වා ඇත.

කෙසේ වෙතත් නිවැසියන්ට මේ ආකාරයේ වර්ග කර කුණු ඉවත්කර පුරුද්දක් නැති නිසා යම් යම් අපහසුතාවයන්ට පත්ව තිබුණි.
අද(29) පෙරවරුවේ පළාත් සභා හා පළාත් පාලන අමාත්‍ය ෆයිසර් මුස්තාෆා මේ ගැන පැහැදිලි කළ අතර ඔහු දන්වා සිටින්නේ
ලබන නොවැම්බර් මස පළමු වැනිදායින් පසුව වර්ගීකරණය නොකළ කසළ එක්රැස් නොකිරීමට දිවයිනේ සියලුම මහ නගර සභා තීරණය කර ඇති බවයි.
 දිවයිනේ සියලුම මහ නගර සභා තුළ නාගරික කොමසාරිස්වරුන් ඇතුළු නිලධාරීන් පිරිසක් කැඳවා මෙම තීරණය ඇමතිවරයා දන්වා ඇත.
මෙම තීරණය නිවාස, වෙළෙඳසැල්, පාසල්, රෝහල් සහ රාජ්‍ය ආයතන යන සියල්ලටම අදාළ වන අතර
 කසළ බැහැර කිරීමේ දී දිරන කසළ, නොදිරන කසළ සහ ප්ලාස්ටික් වීදුරු ලෙස වර්ග තුනකට වෙන්කළ යුතු වෙයි.
මෙසේ නොකර අක්‍රමවත්ව කසළ බැහැර කිරීම හේතුවෙන් කසළ කළමනාකරණයේ දී මහ නගර සභාවලට ගැටළු රැසකට මුහුණ දීමට සිදුවන බවද අමාත්‍යවරයා එහිදී ප්‍රකාශ කර තිබේ.