මෙවර අගොස්තු මස පැවැත්වෙන උසස් පෙළ විභාගයේදී විභාග අපේක්ෂකයන් විද්‍යුත් උපකරණ භාවිත කළහොත් ඒවා තමන් භාරයට ගෙන මුද්‍රා තබා විභාග දෙපාර්තමේන...
මෙවර අගොස්තු මස පැවැත්වෙන උසස් පෙළ විභාගයේදී විභාග අපේක්ෂකයන් විද්‍යුත් උපකරණ භාවිත කළහොත් ඒවා තමන් භාරයට ගෙන මුද්‍රා තබා විභාග දෙපාර්තමේන්තුවට භාර දෙන ලෙස සියලුම විභාග ශාලාධිපතිවරුන් වෙත විභාග කොමසාරිස් ජනරාල්වරයා දැනුම් දී තිබේ.
විභාග කොමසාරිස් ජනරාල් ඩබ්ලිව්.එම්.එන්.ජේ. පුෂ්පකුමාර මහතා සඳහන් කළේ ඊට අදාළ ලිපි මේ වන විටත් ශාලාධිපතිවරුන් වෙත යොමු කර ඇති බවයි.
එම නිවේදනයට අනුව නවීන ඔරලෝසු, ජංගම දුරකතන මෙන්ම පටිගත කිරීමේ යන්ත්‍ර ද විභාග ශාලා වෙත ගෙන ඒම තහනම් වේ.
එවැනි වැරදි සිදුකරන අපේක්ෂකයන්ට වසර 05ක විභාග තහනමක් පනවන බව විභාග කොමසාරිස් ජනරාල්වරයා තරයේ අවධාරණය කරයි.
මෙවර උසස් පෙළ විභාගය අගෝස්තු මස 02 වැනිදා ආරම්භ වන අතර මධ්‍යස්ථාන 2,204 ක දී විභාගය පැවැත්වීමට අවශ්‍ය සියලු කටයුතු මේ වන විට සූදානම් කර තිබේ.
මෙවර විභාගය සඳහා අයදුම්කරුවන් තුන් ලක්ෂ 15,605 දෙනෙකු සුදුසුකම් ලබා ඇති බව විභාග දෙපාර්තමේන්තුව සඳහන් කරයි.
විභාගය සම්බන්ධයෙන් යම් ගැටළුවක් ඇත්නම් 1911 යන දුරකථන අංකය ඔස්සේ විමසීම් සිදුකළ හැකි බවට ද එම දෙපාර්තමේන්තුව දැනුම් දෙයි.
COMMENTS