ජනතාවට සිය ජනවරම ප්රකාශ කිරීමට අවස්ථාව ලබා දෙමින් වහාම පළාත් සභා මැතිවරණය පවත්වන ලෙස විපක්ෂ නායක සජිත් ප්රේමදාස මහතා රජයට අභියෝග කළේය. කොළ...
ජනතාවට සිය ජනවරම ප්රකාශ කිරීමට අවස්ථාව ලබා දෙමින් වහාම පළාත් සභා මැතිවරණය පවත්වන ලෙස විපක්ෂ නායක සජිත් ප්රේමදාස මහතා රජයට අභියෝග කළේය. කොළඹ මාලිගාවත්ත පී.ඩී. සිරිසේන ක්රීඩාංගණයේ පැවැති සමගි ජන බලවේගයේ මැයි දින රැලිය අමතමින් විපක්ෂ නායකවරයා මේ බව සඳහන් කළේය.
එහිදී ඔහු වැඩිදුරටත් කියා සිටියේ සමගි ජන බලවේගය සහ එක්සත් ජාතික පක්ෂය මේ වන විටත් එක්ව ඇති බවත්, පොදු අරමුණක් වෙනුවෙන් සාමුහිකව ඉදිරියට යාමට සූදානම් බවත්ය.
දෙපාර්ශ්වය අතර සහයෝගිතාව ඇති කිරීම සඳහා වෙනම කමිටු පත් කිරීමට යෝජනා වී තිබුණද, මේ වන විට සන්ධානය ප්රායෝගිකව ගොඩනැගී ඇති බැවින් එවැනි පියවරක අවශ්යතාවක් නොමැති බව ඔහු පෙන්වා දුන්නේය.
මෙම පක්ෂ අතර පවතින එකමුතුභාවය බිඳ දැමීමට ඇතැම් පිරිස් උත්සාහ කළද, එම උත්සාහයන්ට කිසිසේත් ඉඩ නොතබන බවද හෙතෙම අවධාරණය කළේය.
රජයේ ආර්ථික කළමනාකරණය, පාලන ක්රමවේදය සහ දූෂණ චෝදනා සම්බන්ධයෙන් විපක්ෂ නායකවරයා මෙහිදී දැඩි විවේචන එල්ල කළේය.
රජය විසින් රාජ්ය ආයතන දුර්වල කර ඇති බවට චෝදනා කළ ඔහු, ගොවීන්, කම්කරුවන්, වෘත්තිකයන් සහ අසරණ ප්රජාව මුහුණ දෙන අභියෝගවලට කඩිනම් විසඳුම් අවශ්ය බවත්, ඒ සඳහා විකල්ප වැඩපිළිවෙළක් තම පක්ෂය සතු බවත් ප්රකාශ කළේය.
රට යළි ගොඩනැගීම සහ වඩාත් කාර්යක්ෂම පාලන පද්ධතියක් ස්ථාපිත කිරීම සඳහා අනෙකුත් ප්රගතිශීලී බලවේග සමඟ එක්ව කටයුතු කරන බව ප්රේමදාස මහතා මෙහිදී වැඩිදුරටත් පැවසීය.
ප්රජාතන්ත්රවාදී ක්රියාවලිය ප්රමාද නොකර, ජනතාවට තම තීන්දුව ප්රකාශ කිරීමට ඉඩ සලසමින් වහාම මැතිවරණය පවත්වන ලෙස ඔහු රජයෙන් ඉල්ලා සිටියේය.
මේ පුවත තව අයට බලන්න
COMMENTS