නව ලිබරල්වාදී ආර්ථික ප්‍රතිපත්ති අනුගමනය කළේ එක්සත් ජාතික පක්ෂය විසින් නොව මහින්ද රාජපක්ෂ මහතා සහ ඔහුගේ ගෝලබාලයින් විසින් බව එජාප මහලේකම්,...
නව ලිබරල්වාදී ආර්ථික ප්‍රතිපත්ති අනුගමනය කළේ එක්සත් ජාතික පක්ෂය විසින් නොව මහින්ද රාජපක්ෂ මහතා සහ ඔහුගේ ගෝලබාලයින් විසින් බව එජාප මහලේකම්, අමාත්‍ය කබීර් හෂීම් මහතා පවසයි.
අමාත්‍යවරයා මේ බව පැවසුවේ අයවැය විවාදයට ඊයේ (11) එක් වෙමිනි.
රාජපක්ෂ පාලන සමය අවසන් වන විට ශ්‍රී ලංකාව ධනවාදයේ වැසිකිළියක් බවට පත්වූ බවයි අමාත්‍යවරයා අවධාරණය කළේය.
"මගේම කලිසම අගේට ඇඳගෙන උගේ වගේ යනවා" යනුවෙන් කියමනක් පවතින බව පැවසූ අමාත්‍යවරයා තමන් විවෘත වෙළඳපල ආර්ථිකය නිවැරදිව හැසිරවූ බවත් එය රාජපක්ෂ පාලනය විසින් කරගෙන යාමට ගොස් අනාගත් බවත් සඳහන් කළේය.
වත්මන් රජය ඉඩම් විකුණන බවට විමල් වීරවංශ මහතා චෝදනා කරන්නේ රෙදි ඇඳගෙනදැයි විමසූ අමාත්‍යවරයා රාජපක්ෂ රජය විසින් සිද්ධපොල සහ මුතුවැල්ල ගොවිපළවල් දෙකක් හැරී ජයවර්ධන මහතාට විකුණා දැමූ බවත් කිලිනොච්චියේ රජයේ ගොවිපළ සෝලි කැප්ටන්ට විකුණා දැමූ බවත් සෝමාවතියේ චෛත්‍ය වටා ඉඩම් අක්කර 5000ක් ඇමරිකානු ඩෝල් සමාගමට විකුණා දැමූ බවත් හමුදා මූලස්ථානය තිබුණු ඉඩම සින්නක්කරවම චීන සමාගමකට විකුණා දැමූ බවත් සිහිපත් කළේය.
COMMENTS