Loading... යහපාලන ආණ්ඩු සමයේදී උසස් අධ්‍යාපන අමාත්‍යංශයේත් අධ්‍යාපන අමාත්‍යාංශයේත් සිදුවූ බරපතල දූෂණ සිද්ධීන් 4 ක් සම්බන්ධයෙන් එක්සත් ජා...
Loading...
උසස් අධ්‍යාපන අමාත්‍යාංශය යටතේ ඇති මහපොළ ශිෂ්‍යත්ව අරමුදලට මුදල් ලබා ගැනීමේ අරමුණින් පිහිටුවා තිබූ තොරතුරු තාක්‍ෂණ ආයතනය (ස්ලිට්* වංචනික ලෙස පවරා රුපියල් මිලියන විසි තුන්දාහක පාඩුවක් සිදුකිරීම, අධ්‍යාපන අමාත්‍යාංශය යටතේ 2018 වසරේදී පාසැල් දරුවන්ට නිල ඇඳුම් ලබාදීම වෙනුවට වවුචර් ලබාදීමෙන් රජයට රුපියල් මිලියන 538 ක අමතර වියදමක් දැරීමට සිදුවීම, සුරක්‍ෂා රක්‍ෂණ ක‍්‍රමයෙන් අවම ලෙස රජයට රුපියල් මිලියන 2300 ක අලාභයක් සිදුකිරීම හා 2018 වසරේ පාසල් පෙළපොත් ප‍්‍රදානයේදී අධ්‍යාපන ඇමැතිවරයාගේ රූපය හා පණිවුඩයක් ඇතුල් කිරීමට සෑම පොතකටම අමතර පිටුවක් එක්කිරීමෙන් රුපියල් මිලියන 29 ක් යෙදවීම ආදිය එම පැමිණිලි අතර වෙයි.
1998 දී මහපොළ අරමුදලින් රුපියල් මිලියන 373 ක මුදලක් යොදා මාලබේ ප‍්‍රදේශයේදී ස්ලිට් ආයතනය පිහිටුවනු ලැබූ බවත් එය 2015 වනවිට පෞද්ගලික විශ්වවිiාලයක් ලෙස දියුණු වූ අතර එහි ගොඩනැගිලි හා යටිතල පහසුකම්වල වටිනාකම රුපියල් මිලියන 20000 ඉක්මවා තිබු බවත් ආචාර්ය විජේදාස රාජපක්‍ෂ මහතා පැවසීය.
2015 දී එවකට එම ආයතනයේ පාලන අධ්‍යක්‍ෂ මණ්ඩල සාමාජිකයන් විසින් නීති විරෝධී ලෙස මහපොළ භාරකාර මණ්ඩලයේ අනුමැතියකින්ද තොරව ස්ලිට් ආයතනය තමන් වෙත පවරා ගැනීමට කටයුතු කර ඇති බවද හෙතෙම ඊයේ (28 දා* පැවැති ප්රවෘත්ති සාකච්ඡුාවකදී අනාවරණය කරනු ලැබීය.
මෙම පැවරීමේදී රුපියල් මිලියන 408 ක මුදලක් මහපොළ වෙත ගෙවූ බවට ගිවිසුමක් අත්සන් කර ඇති බවද මන්ත‍්‍රීවරයා කීය. එහෙත් මෙම පැවරුණු වත්කම්වල නියම වටිනාකම රුපියල් මිලියන 28000 ඉක්මවන බවද පැවසීය.
තමා උසස් අධ්‍යාපන ඇමැතිවරයා ලෙස කටයුතු කරද්දී මේ පිළිබඳව සොයා බැලූ බවද වංචනිකව පැවරීම් සිදුකර ඇති නිසා යළි මහපොළ අරමුදල වෙත එම ස්ලිට් ආයතනය පවරා ගැනීමට ඇමැති මණ්ඩල පත‍්‍රිකාවක් ඉදිරිපත් කළ නමුත් මුදල් ඇමැතිවරයාගේ විරෝධය හේතුවෙන් සම්මත කිරීමට නොහැකිවූ බවද කියා සිටියේය.
-දිවයින පුවත්පත
COMMENTS