මීට වසර 42කට පෙර සිට - එනම්: 1976 වසරින් පසු - ලංකාවේ ක්රියාත්මක නොවූ එල්ලුම් ගහට යළිත් පණ දෙන්නට හෙවත් මරණ දඩුවම ක්රියාත්මක කිරීමට මේ ව...
මීට වසර 42කට පෙර සිට - එනම්: 1976 වසරින් පසු - ලංකාවේ ක්රියාත්මක නොවූ එල්ලුම් ගහට යළිත් පණ දෙන්නට හෙවත් මරණ දඩුවම ක්රියාත්මක කිරීමට මේ වන විට රජය සූදානම් වෙමින් සිටියි.
රජය මේ තීන්දුව ගත්තේ දිනෙන් දින සමාජය වෙළාගන්නා මත්ද්‍රව්‍ය ජාවාරම්වලට එරෙහිව කළ යුතු වූ හොඳම දේ මෙය බව සැලකිල්ලට ලක් කරමිනි.
ජනාධිපති මෛත්‍රීපාල සිරිසේන මහතා පසුගියදා පාර්ලිමේන්තුවේදී ප්‍රකාශ කලේ කුමන විරෝධය පැමිණියත් මරණ දඩුවම ක්රියාත්මක කරන බවය.
කෙසේ වෙතත් ජනපති මරණ දඩුවම ක්රියාත්මක කරන බව ප්‍රකාශ කිරීමත් සමග මරණ දඩුවමට වී සිටින වැරදිකරුවන් ශ්‍රේෂ්ඨාධිකරණයේ පෙත්සම්ගොනු කර ඇත්තේ සිය දඩුවමට එරෙහිවය.
නමුත් ඕනෑම මොහොතක මරණ දඩුවම ක්රියාත්මක කිරීම සදහා මේ දිනවල එල්ලුම් ගහ සුදානම් කෙරෙමින් පවතී .
මේ වනවිට එල්ලුම් ගහ සඳහා භාවිත කිරීමට නියමිත කඹය ශ්‍රී ලංකා ප්‍රමිති කාර්යාංශය වෙත යොමු කර තිබේ .
බන්ධනාගාර දෙපාර්තමේන්තුව සඳහන් කළේ, 2015 වසරේදී පාකිස්ථානයෙන් ගෙන්වා ඇති එම කඹය මරණ දඬුවම ලබාදීම සඳහා යොදා ගැනීමට සුදුසු ද යන්න පරීක්ෂා කරීම සඳහා එලෙස ප්‍රමිති කාර්යංශයට යොමු කළ බවයි.
එම කඹයේ ප්‍රමිතියෙහි කිසියම් ගැටලු සහගත තත්ත්වයක් උද්ගත වුවහොත් සුදුසු තත්ත්වයේ කඹයක් ඉතා කඩිනමින් විදේශීය රටකින් මිලදී ගැනීම සඳහා අවශ්‍ය ක්‍රියාමාර්ග ගැනීමටද සුදානම් බව එම දෙපාර්තමේන්තුව සදහන් කළේය .
මේ අතර බන්ධනාගාර කොමසාරිස් ජනරාල් එච්.එම්.එන්.සී. ධනසිංහ මහතා සදහන් කලේ අලුගෝසු තනතුර සඳහා බඳවා ගැනීමේ අයදුම්පත් කැඳවීම යලි ඇරඹු බවයි.
අලුගෝසු තනතුරට අයදුම්පත් කැඳවනු ලබන්නේ තෙවැනි වරටය.
මීට පෙර අයදුම්පත් කැඳවු අවස්ථාවේ දී පුද්ගලයන් තෝරා ගැණුන ද ඔවුන් තනතුර අතහැර යාම හේතුවෙන් නැවත අයදුම්පත් කැඳවා තිබේ.
අයදුම්කරුවන් සාපෙළ විභාගය සාමන්‍ය සාමාර්ථ දෙකක් සහිතව සමත් විය යුතු අතර වයස අවුරුදු 45 නොඉක්මවිය යුතුය.
කලින් කැඳවු අයදුම්පත් නැවත සළකා බලන බව කොමසාරිස් ජනරාල්වරයා පැවසීය.
COMMENTS