පොදු විපක්ෂයේ විශාල පිරිසකට චෝදනා එල්ල වී තිබෙන බවත් එම නඩු පැවැත්වෙන ස්ථානවලට යම් යම් කටයුතු සිදු කිරීමට යන බවට තොරතුරු ලැබී තිබෙන බවත් එ...
පොදු විපක්ෂයේ විශාල පිරිසකට චෝදනා එල්ල වී තිබෙන බවත් එම නඩු පැවැත්වෙන ස්ථානවලට යම් යම් කටයුතු සිදු කිරීමට යන බවට තොරතුරු ලැබී තිබෙන බවත් එම ස්ථාන ආරක්ෂා කිරීමට කටයුතු කරන බවත් රාජ්‍ය පරිපාලන හා නීතිය සාමය පිළිබඳ අමාත්‍ය රංජිත් මද්දුම බණ්ඩාර මහතා පවසයි.
අමාත්‍යවරයා මේ බව පැවසූවේ ඊයේ (04) සවස රාජ්‍ය පරිපාලන අමාත්‍යාංශයේ දී සිදු කළ විශේෂ මාධ්‍ය සකච්ඡව අමතමිනි.
ඒකබද්ධ විපක්ෂය විසින් කොළඹදී පවැත්වීමට යන උද්ඝෝෂණය රජය විසින් කඩකප්පල් කිරීමට හා බාධා කිරීමට උත්සහ කරන බවට සිදු කරන චෝදනා සම්බන්ධයෙන් කරුණු පැහැදිළි කරමින් අමාත්‍යවරයා මේ බව සඳහන් කළේ ය.
එහිදී අමාත්‍යවරයා මෙසේද පැවසී ය.
“විශේෂ අධිකරණයටත්, එෆ්.සී.අයි.ඩී එකටත් තොරතුරු ලැබිලා තිබෙනවා නඩු ෆයිල්හා නඩු කටයුතුවලට බාධ එල්ල කරන බව. පොදු විපක්ෂයේ අයට චෝදනා එල්ල වී තිබෙනවා. විශේෂ අධිකරණයේ නඩු විභාග වෙනවා. ඒ තැන ආරක්ෂා කරන්න කටයුතු කරනවා. යම් යම් තොරතුරු ලබෙනවා. විශේෂ නඩු තියෙන ස්ථාන සම්බන්ධව යම් යම් දේවල් සිදු කරන්න කටයුතු කරනවා කියලා තොරතුරු ලැබෙනවා. එම ස්ථාන ආරක්ෂා කරන්න කටයුතු කරනවා. පෙළපාලි නවත්වන්න උදෝෂණ නවත්වන්න කිසිම දෙයක් කර නෑ. වැරදි අර්ථකථනයක් දී තිබෙනවා. උද්ඝෝෂණයකට වෙඩි තියන්නේ නෑ. සාමකාමි උද්ඝෝෂණයකට උදව් කරන්නයි අපි බලන්නේ“ යැයි ද අමාත්‍යවරය පැවසී ය.
මේ අතර අද පැවැත්වෙන ඒකාබද්ධ විපක්ෂයේ උද්ඝෝෂණය හේතුවෙන් පාර්ලිමේන්තුවට පොලිස් විශේෂ කාර්ය බලකායේ විශේෂ ආරක්ෂාවක් දීමට පොලිස්පති පූජිත් ජයසුන්දර මහතා තීරණය කර තිබේ.
උද්ඝෝෂණකරුවන් පාර්ලිමේන්තුවට පැමිණීමට උත්සහ දැරුවොත් ඒ උත්සාහය වැළැක්වීමට පියවර ගන්නා බව පොලිස්පතිවරයා සඳහන් කර ඇත.
පාර්ලිමේන්තුවේ ආරක්ෂාව සඳහා අමතර පොලිස් කණ්ඩායම් යොදවන බවත් පාර්ලිමේන්තුවට නිදහසේ පැමිණීමට ආරක්ෂක වාතාවරණය සකසන බවත් පොලීසිය පවසයි.
පාර්ලිමේන්තුවේ ආරක්ෂක තත්ත්වය පිළිබඳව සොයා බැලීමට පොලිස්පතිවරයා ඊයේ (04) පස්වරුවේ පාර්ලිමේන්තුවට පැමිණ ඇත.
ඉන් අනතුරුව පොලිස්පතිවරයා නියෝජ්‍ය පොලිස්පතිවරුන් පිරිසක්ද සමඟ පාර්ලිමේන්තු පරිශ්‍රයේදී විශේෂ සාකච්ඡාවකද නිරත වී තිබේ.
COMMENTS