“ළගම පාසල හොදම පාසල“ ව්‍යාපෘතිය යටතේ වැඩ ආරම්භ කළ ගා/තෙල්ලඹුර දුටුගැමුණු විදුහලේ තෙමහල් ගොඩනැගිල්ලේ ඉදි කිරිම් කටයුතු කරගෙන යන ආකාරය පිළිබ...
“ළගම පාසල හොදම පාසල“ ව්‍යාපෘතිය යටතේ වැඩ ආරම්භ කළ ගා/තෙල්ලඹුර දුටුගැමුණු විදුහලේ තෙමහල් ගොඩනැගිල්ලේ ඉදි කිරිම් කටයුතු කරගෙන යන ආකාරය පිළිබද සෑහිමකට පත්විය නොහැකි බව යක්කලමුල්ල ප්‍රදේශිය සම්බන්ධීකරණ කමිටුවේ සම සභාපති, ගාල්ල දිස්ත්‍රික් එජාප පාර්ලිමේන්තු මන්ත්‍රි බන්දුලාල් බණ්ඩාරිගොඩ මහතා පවසයි.
මෙහි ඉදිකිරිම් කටයුතු කරන ආකාරය ඉතා දුර්වල බවත් ඇතැම් කණුවලට යොදා ඇති කොන්ක්‍රිට් ගැලවි ගොස් ඇති බවද මෙහිදි මන්ත්‍රිවරයා පෙන්වා දුන්නේය.
එමෙන්ම මෙකි ගොඩනැගිල්ලේ ඉදි කිරිම් කටයුතු ආරම්භකොට මාස 06ක කාලයක් තුල එහි ඉදිකිරිම් කටයුතු නතර වී ඇති බවද මෙහිදි අනාවරණය විය. මෙකි තෙමහල් ගොඩනැගිල්ල ළගම පාසල හොදම පාසල ව්‍යාපෘතිය යටතේ 2017 වසරේ ප්‍රතිපාදන යටතේ 2018 වර්ෂයේ ඉදිකිරිම් කටයුතු අවසන් කිරිමට නියමිතව ඇත.
දැනට මෙකි තෙමහල් ගොඩනැගිල්ලේ පලමු මහලේ බිත්ති බැද ඇති අතර ස්ලැබ් එක දමා නොමැති බවත් එහි ඉදිකිරිම් කටයුතුවල ප්‍රගතිය සියයට විසිපහක් පමණක් බව යක්කලමුල්ල කොට්ඨාශ අධ්‍යාපන අධ්‍යක්ෂකවරයා මෙහිදී පැවසිය.
බන්දුලාල් බණ්ඩාරිගොඩ මන්ත්‍රීවරයා සඳහන් කළේ “කොන්ත්‍රාත්කරු විසින් මෙකි ගොඩනැගිල්ලේ ඉදිකිරිම් කටයුතු කරගෙන යන ආකාරය ගැන සැහිමකට පත්වෙන්න බැහැ. සමහරක් කණුවලට දාපු කොන්ක්‍රිට් ගැලවිලා. ඉදිකිරිම් කටයුතු කරන ආකාරය ඉතා දුර්වලයි. දෙතුන් දෙනෙක් යොදාගෙන නියමිත දිනට මෙහි වැඩ අවසන් කරන්න බැහැ. මේ ගැන සොයා බලන්න.“
යක්කලමුල්ල ප්‍රදේශිය ලේකම් කාර්යාලයේ ශ්‍රවනාගාරයේ පැවති සම්බන්ධීකරණ කමිටු රැස්විම සදහා සම සභාපතිවරයකු වන නියෝජ්‍ය ඇමති නිශාන්ත මුතුහෙට්ටිගම මහතාද එක්ව සිටියේය.
කෙසේ වෙතත් මීට පෙරද අප වෙබ් අඩවිය ඔස්සේ වාර්තා කළේ ‘ළඟම පාසල හොඳම පාසල‘ වැඩසටහන මේවන විට අවුල් සහගත තත්ත්වයකට පත්ව ඇති බවයි.
ඒ අනුව ‘ළඟම පාසල හොඳම පාසල‘ වැඩසටහන අනුව ආරම්භ කළ ව්‍යාපෘතිය යටතේ පාසල් 200 කට අධික ප්‍රමාණයක් අලුත්වැඩියා කිරිමට ආරම්භ කළද අදාළ ඉදිකිරිම් සමාගම්වලට රුපියල් මිලියන 18,000 ක මුදලක් නොගෙවීම නිසා එම ව්‍යාපෘතිය අවුල් වී ඇතැයි අධ්‍යාපන අමාත්‍යාංශ ආරංචි මාර්ග ප්‍රකාශ කර තිබිණි.
ඇතැම් පාසල් ගොඩනැගිලි කඩා අලුතින් ඉදිකිරිම් ඇරඹුව ද මුදල් ප්‍රශ්න නිසා එවැනි ඉදිකිරිම් වලින් තුනෙන් දෙකක්ම නතර වී ඇතැයි වාර්තා වේ.
COMMENTS