වාහන හිමි අයට සහ විදෙස්ගත වන්නන්නට බදු අය කරන බවදේශීය ආදායම් කොමසාරිස් අයිවන් දිසානායක මහතා පැවසීය. ඒ ඊයේ මාධ්‍ය වෙත අදහස් දක්වමිනි. එහි...
වාහන හිමි අයට සහ විදෙස්ගත වන්නන්නට බදු අය කරන බවදේශීය ආදායම් කොමසාරිස් අයිවන් දිසානායක මහතා පැවසීය.
ඒ ඊයේ මාධ්‍ය වෙත අදහස් දක්වමිනි.
එහිදී ඒ මහතා මෙසේ අදහස් දැක්විය.
“ලක්ෂ 5ක ආදායමක අවුරුද්දට මාසෙකට රුපියල් පනස් දහසකට වඩා අඩුයි, මේක තුළ වාහනේක පෙට්‍රල් ගහලා, නඩත්තු කරලා, ඉන්ෂුවරන්ස් ගෙවලා, ලයිසන් ගෙවලා, ඒක පෙට්‍රල් ගහලා නඩත්තු කරන්න බැහැ. ඒ නිසා අපි හැමකෙනෙක්ම බලපොරොත්තු වෙනවා, බදු ගෙවිය යුතු, වාහනයක් නඩත්තු කරන හැමකෙනෙක්ම සාමාන්‍යයෙන් බදු ගෙවිය යුතු ආදායමක් තිබිය යුතු පුද්ගලයෙකු කියලා. ඒක එකක්. ගුවන් ගමන් ගත්තොත් ලංකාව ඉතා කාර්යබහුලයි, හැම කෙනෙක්ම හැම නිවාඩුවකටම විදේශගත වෙනවා. ඉතින් අපි දකිනවා ඒ අයට ආදායමක් තියෙන බදු ගෙවිය යුතු කට්ටිය කියලා. ඒ සියලුදෙනාටම ආරාධනා කරනවා ඔබ මෙතෙක් තමන්ගේ යුතුකම ඉටු කර නැත්තම් තමන් ඒ බදු ලිපිගොනුවක් විවෘත කරලා ගෙවන්න, එහෙම නැතුව දේශීය ආදායම් දෙපාර්තමේන්තුව ආයතන 32ක් එක්ක සජීවී ලෙස සමබන්ධ වෙලා තියෙනවා. ඒ ආයතනවල ලබා ගන්නා තොරතුරු අනුව බදු ලිපිගොනුවක් විවෘත කලොත් අපිට සිද්ධ වෙනවා තමන්ගේ මෙතෙක් ඒ ආදායම්, වත්කම් හොයන්න.”
COMMENTS