උතුරේ දෙමළ ජනතාවගේ ගැටලු ඉදිරිපත් කිරීමට ගිය විට තමන් ජාතීවාදී ලේබලය ගහන බවටත් දකුණේ ජාතීවාදී අදහස් වපුරන්නන්ට එරෙහිව නීතිය ක්රියාත්මක නො...
උතුරේ දෙමළ ජනතාවගේ ගැටලු ඉදිරිපත් කිරීමට ගිය විට තමන් ජාතීවාදී ලේබලය ගහන බවටත් දකුණේ ජාතීවාදී අදහස් වපුරන්නන්ට එරෙහිව නීතිය ක්රියාත්මක නොවන බවට හිටපු රාජ්‍ය අමාත්‍ය විජයකලා මහේස්වරන් මහත්මිය කියා සිටියොය.
අමාත්‍යවරිය මේ බව කියා සිටියේ ඊයේ (07) දින යාපනය තිරුනෙල්වේලි කෘෂිකර්ම පුහුනු විධ්‍යාලීය ශ්‍රවනාගාරයේදී අමාත්‍ය දයා ගමගේ මහතාගේ ප්‍රධානත්වයෙන් උතුරු පලාතේ ප්‍රාථමික කර්මාන්ත දිරිගැන්වීම සඳහා අධාර ලබා දීමේ උත්සව අවස්ථාවකට සහභාගී වෙමිනි.
එම උත්සව අවස්ථාවේදී අදහස් දැක්වූ විජයකලා මහේස්වරන් මහත්මිය වැඩි දුරටත් කියා සිටියේ,
‘ඔබ දන්නවා දැන් දකුණේ ඇතම් අය ජාතිවාදී ප්‍රකාශ ගොඩක් සිද්ද කරනවා නමුත් ඔවුන්ට මොකුත් කියන්නේ නැහැ. අපේ ජනතාවගේ ප්‍රශ්න ගැන කතා කරන කොට අපි ජාතීවාදීන් ලෙසින් හඳුන්වනවා. ඒක වෙනස් කරන්න ඕන. දකුණේ ජනතාව ඔවුන්ගේ ප්‍රශ්න ගැන කතා කරනකොට ඒවා දිහා බලලා ඒවා විසඳන්න කටයුතු කරනවා. නමුත් අපි අපේ ප්‍රශ්න ගැන කතා කරද්දි අපිව හඳුන්වන්නේ දෙමළ ජාතිවාදීන් හැටියට අපිව එහෙම හැඳින්වීම අපි ප්‍රතික්ෂේප කරනවා. අපේ ජනතාව වෙනුවෙන් මම මගේ ඇමති ධූරයත් අතහැරියා. යනුවෙනි.
උත්සව අවස්ථාවෙන් පසුව විජයකලා මහේස්වරන්ගේ මහත්මියගේ ප්‍රකාශයන් පිළිබඳව අමාත්‍ය දයාගමගේ මහතාගේ මාධ්‍යෙව්දීන් විසින් විමසීමේදී මාධ්‍යට අදහස් දක්වමින් අමාත්‍ය දයාගමගේ මහතා කියා සිටියේ,
‘විජයකලා මහේසවරන් මහත්මියට එතුමියගේ ජනතාවගේ බලාපොරොත්තු ඉෂ්ඨ කරන්න බැරි උනහම එතුමියට විතරක් නොවෙයි මේක මටත් අපිටත් අපි ගැනම වේදනාවක් ඇති වන අවස්ථාවල් තියනවා මම විශ්වාශ කරනවා එතුමිය කීයටවත් නැවත යුද්දයක් ඇති වෙනවටනම් කැමති නැහැ.
පසුව එහිදී නියෝජ්‍ය අමාත්‍ය රන්ජන් රාමනායක මහතා විසින් මාධ්‍ය ඉදිරිපිට දුරකතන ඇමතුමක් ලබා දීම පිළිබඳව විමසීමේදී අමාත්‍ය දයා ගමගේ මහතා කියා සිටියේ,
‘රන්ජන් රාමනායක මහතා කරපු දේ මම හෙලා දකිනවා විශේෂයෙන්ම එතුමිය රන්ජන් රාමනායක ඇමතිතුමා එක්ක දුරකතනයෙන් කතාකරන්නේ ලොකු විශ්වාශයකින් එහෙම මාධ්‍ය ඉස්සරහා කතාකරනවනම් එතුමා එතුමියට කියන්න ඕන මම මේ මාධ්‍ය ඉස්සරහා කතාකරන්නේ මේ ඕන එහෙකට උත්තර දෙන්න කියලා යනුවෙනි.
අනතුරුව අමාත්‍ය දයාගමගේ මහතා සහ හිටපු රාජ්‍ය අමාත්‍ය විජයකලා මහේස්වරන් මහත්මිය ඇතුලු පිරිසක් කිලිනොච්චිය දිස්ත්‍රීක්කයේ පූනකරී ජෙයපුරම් ප්‍රදේශයේ කෘෂිකාර්මික කටයුතු හා නව කෘෂිකාර්මික සංවර්ධන කටයුතු පිළිබඳව සොයා බැලීමේ නිරීක්ෂණ චාරිකාවකටද සහභාගී විය.
COMMENTS