රනිල් වික්‍රමසිංහ අගමැතිවරයා ඉල්ලා අස්විය යුතු බවත් ජනමතයට හිස නවමින් පාර්ලිමේන්තුව විසුරුවා පාර්ලිමේන්තු මැතිවරණයකට යා යුතු බවත් හම්බන්තො...
රනිල් වික්‍රමසිංහ අගමැතිවරයා ඉල්ලා අස්විය යුතු බවත් ජනමතයට හිස නවමින් පාර්ලිමේන්තුව විසුරුවා පාර්ලිමේන්තු මැතිවරණයකට යා යුතු බවත් හම්බන්තොට දිස්ත්‍රික් පාර්ලිමේන්තු මන්ත්‍රී නාමල් රාජපක්ෂ මහතා පවසයි.
කරුණාකරලා දැන්වත් ජනමතයට හිස නවන ලෙස ආණ්ඩුවට කියන බවද මන්ත්‍රීවරයා සඳහන් කළේය.
නාමල් රාජපක්ෂ මහතා වැඩිදුරටත් මෙසේද පැවසී ය.
“අපි ආණ්ඩුවට කියන්නේ කරුණාකරලා දැන්වත් ජනමතයට හිස නවන්න. පාර්ලිමේන්තුව විසිරුවලා පාර්ලිමේන්තු මැතිවරණයකට යන්න. රනිල් වික්‍රමසිංහ අගමැතිවරයා ඉල්ලා අස්වෙන්න ඕන. ඒ විතරක් නෙවෙයි මේ රටේ ජනතාවට ජනතාවගේ ආණ්ඩුවක් ජනතා ඡන්දයෙන් පිහිටුවන්න පාර්ලිමේන්තුව විසිරුවන්න ඕන. පාර්ලිමේන්තුවේ තුනෙන් දෙකේ බහුතර බලය අරගෙන විසුරුවන්න පුළුවන්. ජනාධිපතිතුමාට ඒක කරන්න පුළුවන්.
රටේ ජනතාව ආණ්ඩුවට පණිවුඩයක් දීලා තියෙනවා. මේ ආණ්ඩුව කරගෙන යන අදූරදර්ශී වැඩ පිළිවෙල රටේ ජනතාව අද ප්‍රතික්ෂේප කරලා තියෙනවා. ජීවන වියදම, රට බෙදීම, රට තුළ තියෙන ජාතික සම්පත් විකිණීම හා මේ රටේ ආර්ථිකය කඩාකප්පල් කිරීම යන සියල්ලටම විරුද්ධව රටේ ජනමතය පොහොට්ටුවත් එක්ක අති දැවැන්ත විදියට ඒකරාශි වෙලා තියෙනවා.“යැයි ඒ මහතා සඳහන් කළේය.
COMMENTS