සෞඛ්‍ය අමාත්‍යවරයා මේ බව ප්‍රකාශ කළේ රාජ්‍ය ඖෂධ නීතිගත සංස්ථාවේ අලෙවි නියෝජිතයන් අමතමිනි. මෙම අලෙවි නියෝජිත හමුව සෞඛ්‍ය අමාත්‍යවරයාගේ ප්‍...
සෞඛ්‍ය අමාත්‍යවරයා මේ බව ප්‍රකාශ කළේ රාජ්‍ය ඖෂධ නීතිගත සංස්ථාවේ අලෙවි නියෝජිතයන් අමතමිනි. මෙම අලෙවි නියෝජිත හමුව සෞඛ්‍ය අමාත්‍යවරයාගේ ප්‍රධානත්වයෙන් සෞඛ්‍ය අමාත්‍යංශයේදී පැවැත්විණි.
මෙහිදී වැඩිදුරටත් අදහස් දැක් වූ සෞඛ්‍ය අමාත්‍යවරයා,
“රාජ්‍ය ඖෂධ නීතිගත සංස්ථාව ලාභ ලබන ආයතනයක් බවට පත්ව තිබෙනවා. 2015 වසරේ දී සංස්ථාවේ ලාභය රුපියල් මිලියන 400 සිට රුපියල් මිලියන 1230 දක්වා වැඩි කර ගැනීමට අපි සමත් වුනා. 2016 වසරේ දී එහි ලාභය වුයේ රුපියල් මිලියන 1900 ක්. ලාභයෙන් කොටසක් සේවකයින්ට ලබාදිය යුතු බවට මම යෝජනා කළා. ඒ පිළිබදව මහා භාණ්ඩාගාරය සමග සාකච්ඡා පවත්වනවා. නමුත් ඇතැම් කරුණු වලට මහාභාණ්ඩාගාරය එකග නැහැ. මම තවදුරටත් ඒ පිළිබදව මහාභාණ්ඩාගාරය සමග සාකච්ඡා කිරීමට සුදානම්. නමුත් ඇතැම් රාජ්‍ය ඖෂධ නීතිගත සංස්ථා සේවකයින් කළු පටි පැළැද සේවය කරන බවට මට තොරතුරු වාර්තා වුනා. ඔවුන් කළු පිටි පැළැද විරෝධතාවය පළ කල යුත්තේ මුදල් අමාත්‍යාංශය ඉදිරිපිටයි. එවිට මුදල් අමාත්‍යාංශයේ නිලධාරීන් ඒ පිළිබදව අවධානය යොමු කරයි. සංස්ථාව දියුණුවීම පිළිබදව අපි සතුටු විය යුතුයි. ඒ සදහා මුල් වී ඇත්තේ නිවැරදි කළමණාකරණයයි.”
“අත්‍යාවශ්‍ය ඖෂධ වර්ග 48 ක මිල අඩු කිරීමේ දී පෞද්ගලික ඔසුසල් හිමියන්ගේ සංගමය සහයෝගය ලබාදුන්නා. මෙම වැඩපිළීවෙල පිළිබදව සිය සාමාජිකයින් දැනුවත් කළා. ජාතික ඖෂධ නියාමන අධිකාරිය ඔසුසල් ලියාපදිංචි කිරීමේ ගාස්තු ඉහළ දැමුවත් එය අවම කිරීමට මම කටයුතු කළා.”
මෙහිදී හොදම රාජ්‍ය ඔසුසල ලෙස අනුරාධපුර ඔසුසල සම්මාන හිමිකරගත්තේය. හොදම බලය ලත් බෙදාහරින්නා ලෙස කුරුණෑගල නිව් ෆාමසි සම්මාන හිමිකර ගත් අතර, හොදම නියෝජිත ඔසුසල ලෙස ජා-ඇල ප්‍රසන්න ෆාමසිය සම්මාන හිමිකර ගත්තේය. මෙහිදී සෞඛ්‍ය සේවාව දියුණු කිරීම වෙනුවෙන් කැප වූ සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාට රාජ්‍ය ඖෂධ නීතිගත සංස්ථාව විසින් සම්මානයක් පිරිනමන ලදි. මෙහිදී රාජ්‍ය ඖෂධ නීතිගත සංස්ථාවේ නිල ෆෙස්බුක් පිටුව ද ආරම්භ කිරීම ද සිදුවිය.
COMMENTS