අග්‍රාමාත්‍ය රනිල් වික්‍රමසිංහ මහතා ඇතුළු දූත පිරිස සිය ඉන්දීය සංචාරය නිමා කර අද (24) ආපසු පැමිණියහ. ඔවුන් ඉන්දියාවේ නවදිල්ලි නුවර සිට පැම...
අග්‍රාමාත්‍ය රනිල් වික්‍රමසිංහ මහතා ඇතුළු දූත පිරිස සිය ඉන්දීය සංචාරය නිමා කර අද (24) ආපසු පැමිණියහ. ඔවුන් ඉන්දියාවේ නවදිල්ලි නුවර සිට පැමිණි ඉන්දීය ගුවන් සේවයට අයත් ඒ.අයි.281 දරන ගුවන් යානයෙන් පස්වරු 3.41 ට කටුනායක ගුවන් තොටුපොළ වෙත ළඟා විය.
ඉන්දිය සාගරය ආශ්‍රිත වැඩ කටයුතු පිළිබඳව සහ දෙරට අතර ක්රියාත්මක කිරිමට යෝජිත නව ආර්ථික හා තාක්ෂණ ගිවිසුම පිළිබඳව සිය නිල සංචාරයේදී ඉන්දිය රාජ්‍ය නායකයින් සමඟ සාකච්ඡා කිරිමට හැකි වූ බව අග්‍රාමාත්‍ය රනිල් වික්‍රමසිංහ මහතා පවසයි.
දෙරට අතර ආර්ථික සම්බන්ධතාවල මූලික රාමුවට අනුකූලව ආර්ථික, තාක්ෂණ ගිවිසුම සැකසීමට එහිදී තීරණය කළ බව ඉන්දිය නිල සංචාරය නිම කරමින් මෙරටට පැමිණිමට පෙර නවදිල්ලි නුවර පිහිටි තාජ් පැලස් හෝටලයේදී මාධ්‍යවේදීන් හමුවේ අදහස් දක්වමින් අග්‍රාමාත්‍යවරයා සඳහන් කළේය.
තමාගේ නිල සංචාරය තුළදී ඉන්දිය අග්‍රාමාත්‍යවරයා, ජනාධිපතිවරයා, විදේශ කටයුතු අමාත්‍යවරිය සහ ඉන්දිය කොංග්‍රස් පක්ෂයේ සභාපතිනි සෝනියා ගාන්ධි මහත්මිය හමුවී සාකච්ඡා කිරීමෙන් දෙරට අතර පවතින සබඳතා ශක්තිමත් කිරිම සම්බන්ධයෙන් අවධානය යොමු කිරිමට හැකි වූ බව අග්‍රාමාත්‍ය රනිල් වික්‍රමසිහ මහතා සඳහන් කළේය.
COMMENTS