තෙවැනි 20/20 තරගය සඳහා සහභාගිවීම ජ්‍යෙෂ්ට ක්‍රීඩකයන් පිරිසක් ප්‍රතික්ෂේප කිරීම හේතුවෙන් තිසර පෙරේරාගේ නායකත්වයෙන් යුක්ත නවක කණ්ඩායමක් 20/...
තෙවැනි 20/20 තරගය සඳහා සහභාගිවීම ජ්‍යෙෂ්ට ක්‍රීඩකයන් පිරිසක් ප්‍රතික්ෂේප කිරීම හේතුවෙන් තිසර පෙරේරාගේ නායකත්වයෙන් යුක්ත නවක කණ්ඩායමක් 20/20 තරගාවලිය සඳහා නම්කිරීමට තේරීම් කමිටුවට සිදුවිය.
මෙම නිරීක්ෂණ කණ්ඩායම ආරක්ෂක තත්වය පිළිබඳව සොයාබැලීමෙන් පසුව පකිස්තානු නියෝජිතයන් සමග විශේෂ සාකච්ඡාවක් ද පැවැත්වීමට නියමිතය. විශේෂයෙන් ක්‍රීඩාංගනය අවට සහ ක්‍රීඩකයන්ට නැවතීම සඳහා පහසුකම් සපයන හෝටලය අවට ආරක්ෂක තත්වය පිළිබඳව මෙම නිරීක්ෂකයන්ගේ අවධානයට ලක්වනු ඇත.
2009 වසරේදී ශ්‍රී ලංකා ක්‍රීඩකයන් ලාහෝර්හිදී ත්‍රස්ත ප්‍රහාරයකට ලක්වූ අතර මේ නිසා මෙම තරගයේ ආරක්ෂාව පිළිබඳ විශේෂ අවධානයක් යොමුව තිබේ. පකිස්තානු ක්‍රිකට් ආයතනයේ මාධ්‍ය අධ්‍යක්ෂක අම්ජාඩ් හුසේන් පවසන්නේ එක් තරගයක් පමණක් පැවැත්වුවද ක්‍රීඩකයන්ගේ ආරක්ෂාව වෙනුවෙන් විශේෂ වැඩපිළිවෙලක් සකස් කර ඇති බවයි.
මීට පෙර ලෝක කණ්ඩායම හා පකිස්තානු කණ්ඩායම අතර ක්‍රිකට් තරගාවලිය සාර්ථකව පැවැත්වීම හේතුවෙන් ආරක්ෂක තත්වය පිළිබඳ විශ්වාසය ගොඩනැගී ඇති හෙයින් ශ්‍රී ලංකා කණ්ඩායම ලාහෝර් වෙත යැවීමට ශ්‍රී ලංකා ක්‍රිකට් ආයතනය තීරණය කළේය.
ලාාහෝර් තරගයට පකිස්තානු ප්‍රේක්ෂකයන්ගේ වැඩි අවධානයක් යොමුව ඇති අතර මේ වනවිටත් සියලු ටිකට්පත් අලෙවි වී ඇති බව පකිස්තානු මාධ්‍ය අනාවරණය කරයි.
COMMENTS