ලෝකයේ ප්රථම හරිත පුණ්ය භූමිය ලෙස ශ්රී දළදා මාලිගාව නම් කිරීමේ ජාතික වැඩසටහන අද (14දා) මහනුවර ශ්රී දළදා මාලිගාව පරිශ්රයේදී ආරම්භ කෙරේ...
ලෝකයේ ප්රථම හරිත පුණ්ය භූමිය ලෙස ශ්රී දළදා මාලිගාව නම් කිරීමේ ජාතික වැඩසටහන අද (14දා) මහනුවර ශ්රී දළදා මාලිගාව පරිශ්රයේදී ආරම්භ කෙරේ.
මෙම වැඩසටහනේ නිර්මාතෘ පළාත් සභා සහ පළාත් පාලන අමාත්ය ෆයිසර් මුස්තාපා මහතාගේ ප්රධානත්වයෙන් ආරම්භ වන මෙම වැඩසටහන මගින් සමස්ත මාලිගා පරිශ්රය පොලිතීන්, ප්ලාස්ටික් ශූන්ය ප්ර‘දේශයක් බවට පත් කෙරේ.
එමෙන්ම මාලිගාවට ගෙන එන ප්ලාස්ටික් මල් වට්ටි වෙනුවෙන් ඇතුළු වීමේදී ප්රතිචක්රිකරණය කළ හැකි මල් වට්ටියක් නිකුත් කිරීමේ කටයුත්තද ආරම්භ කෙරේ.
මාලිගා පරිශ්ර‘යේ භාවිත වන කසළ බඳුන් සියල්ලම දේශීය අමුද්රව්ය යොදා නිෂ්පාදනය කරන ලද ඒවා වන අතර, මාලිගා පරිශ්රයෙන් දෛනිකව බැහැර කරනු ලබන මල් සහ ආහාර ඉවත් කිරීම සඳහා පළාත් සභා සහ පළාත් පාලන අමාත්යාංශය මගින් විශේෂ කසළ ඉවත් කිරීමේ රථයක් ලබාදීමද මෙහිදී සිදු කෙරේ.
මෙම හරිත පුණ්ය භූමි වැඩසටහන දිවයිනේ සමස්ත ආගමික ස්ථාන සියල්ල ආවරණය වන ආකාරයෙන් ක්රියාත්මක කිරීමට පළාත් සභා සහ පළාත් පාලන අමාත්ය ෆයිසර් මුස්තාෆා මහතාගේ විශේෂ අවධානය යොමු කොට ඇත.
විශේෂයෙන් මේ දිනවල පවතින කසළ අර්බුදය හේතුවෙන් ආගමික ස්ථානවල පාරිසරික ගැටලු ඇති වීමෙන් බැතිමතුන්ට සිදුවන අපහසුතා අවම කරගැනීම මෙහි ප්රධාන අරමුණ වේ.
දළදා පෙරහර වැනි විශේෂ ආගමික උත්සව සඳහා විශේෂ කසළ බැහැර කිරීමේ වැඩසටහනක් අදාළ ප්රදේශ ආශ්රිතව ක්රියාත්මක කිරීමටද අමාත්යාංශය සැලසුම් කර ඇත.
COMMENTS