හම්බන්තොට ජලගැල්මෙන් දෙදෙනෙකු අතුරුදහන් - පවුල් 1889 අවතැන්

ජල පහරට හසුවීමෙන් මියගොස් ඇත්තේ බෙලිඅත්ත ප්‍රදේශයේ 11 හැවිරිදි පාසල් සිසුවෙක් සහ තවත් පුද්ගලයෙකි. පාසල් සිසුවා පාසල් ඇරී නිවසට පැමිණෙමින්...

ජල පහරට හසුවීමෙන් මියගොස් ඇත්තේ බෙලිඅත්ත ප්‍රදේශයේ 11 හැවිරිදි පාසල් සිසුවෙක් සහ තවත් පුද්ගලයෙකි. පාසල් සිසුවා පාසල් ඇරී නිවසට පැමිණෙමින් සිටියදී ජල පහරට හසුව ඇත.

ජල ගැල්ම හේතුවෙන් හම්බන්තොට දිස්ත්‍රික්කයේ නිවාස 87 කට හානි සිදුව තිබෙන බව වාර්තා වේ.

බෙලිඅත්ත කැකිරිඕබඩ ජලාශය වාන් මට්ටමට පැමිණ ඇති අතර ඒ නිසා ඒ අවට පවුල්වලට ආරක්ෂිත ස්ථාන කරා යොමුවන ලෙස දැනුම් දී තිබේ. මීට අමතරව ඌරුබොකු ඔයේ ජල මට්ටම අද දහවල් වනවිට අඩු වී ඇති අතර විපතට පත් ජනතාව නැවත සිය නිවෙස් කරා යොමුවෙමින් තිබේ.

වලස්මුල්ල සපුතන්ත්‍රි කන්ද නායයාමේ අවදානමකට ලක්ව ඇති අතර පවුල් අටක් පමණ මේ වනවිට ආරක්ෂිත ස්ථාන කරා යොමුකර තිබේ.

හම්බන්තොට රාහුල් සමන්ත හෙට්ටිආරච්චි